注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·23 劝朋友的方法方式(栋笃论语·颜渊第十二)  

2008-12-15 00:49:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子贡问友。子曰:“忠告而善道之,不可则止,毋自辱焉。”

  【译文】子贡问交友之道,孔子话:“朋友有咩唔啱嘅地方,要尽力忠告佢,识得劝导佢。若果朋友死牛一边颈,噉就适可而止,咪自取其辱。”

  【栋笃】今年年初,《辽西商报》卖过一个新闻:阜新市某单位工人李某同高某本嚟系一对好朋友,2005年6月,呢两个人同埋其他朋友一齐饮啤。冇几耐,高某见李某已经饮咗唔少但重要继续饮,就劝佢唔好再饮嘞。点知,高某出于朋友嘅好心,竟然引致李某嘅不满,佢即刻拎起酒樽,敲甩樽底,拮穿高某腹部,造成高某小肠同结肠破裂。事发之后,李某即刻走佬,直到2006年9月,佢畀公安机关捉到,今年年初,终审判决:李某因犯故意伤害罪,判六年监,附带民事赔偿6万蚊。
  自古忠言逆耳,因为劝朋友而畀朋友闹,最后反目嘅事,相信大家都见过甚至亲历过。但好似高某噉,尽人事劝朋友饮少啲,竟然差啲畀朋友劏咗——呢啲已经唔系“自取其辱”,直头系“自取其祸”添喇。
  虽然劝朋友有可能引致朋友反目,自取其辱,但系,真正嘅朋友,不嬲都应该系进尽忠言嘎。不过孔Sir就话嘞,劝朋友,要讲求艺术,即系话,要“善道()之”,唔可以采取简单粗暴嘅方式,同时要注意适可而止,发觉朋友点讲都听唔入耳,咪由得佢啰,毕竟朋友之间系平等嘎,无谓好似君臣关系噉“死谏”,自取其辱,实在唔抵。呢层意思,喺“里仁第四”入边,子游亦讲过:“事君数,斯辱矣;朋友数,斯疏矣。”即系话,“服侍君主太过繁琐,就会自取其辱;对待朋友太过繁琐,就会畀朋友疏远咗。”
    朋友唔听劝,一意孤行,撞咗板,一定会谂起你嘅好,再次返到你身边——呢个时候嘅友情,历经考验,就更加可贵喇。如果唔讲求艺术,明知不可“劝”而“劝”之,最终嘅结果,好可能就连朋友都冇得做喇,咔咔。  (插图:老饼

  评论这张
 
阅读(282)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017