注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·24 近儒者厚,近墨者黑(栋笃论语·颜渊第十二)  

2008-12-15 20:35:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文曾子曰:“君子以文会友,以友辅仁。”

  【译文】曾子话:“君子以礼乐文章嚟同朋友交流,以朋友嚟帮自己完善仁德。”

  【栋笃】唔知点解,睇到曾子呢句说话,我首先谂起嘅,系“辅仁大学”。而家讲“辅仁大学”,可能唔少人会话:“我知,咪就系台湾嗰间好出名嘅大学啰,十几年前喺国际大专辩论赛中好巴闭嘎!”但系,唔知有几个人会知,台湾嗰间,系私立大学嚟嘎。原来嘅辅仁大学,系罗马公教喺中国创办嘅天主教大学,喺上世纪30年代曾经同北大、清华、燕京并称北平四大名校,胡适都曾经喺该校做过教授。1951年,辅仁畀新政府接管,第二年,并入北京师范大学,“辅仁”呢个名,喺大陆消失咗,不过喺台湾复校,成为台湾嘅名校之一。蒋介石夫人宋美龄,就曾经做过该校复校之后嘅第二任董事长。
    所谓入乡随俗,可能系为咗得到中国人嘅认同,天主教创办嘅大学,就直接喺儒家经典《论语》中攞咗“辅仁”两个字做校名,早期嘅校训,亦照抄“以文会友,以友辅仁”呢八个字。
    掉返转头讲,儒家呢种“以文会友,以友辅仁”嘅交友价值观,亦都系得到咗唔同文化、唔同宗教嘅认同。
    “朋友一生一起走,哪些日子不再有”。重记得我细个嗰阵时,老窦教落,交朋友,一定要交嗰啲对自己有用嘅,唔可以凭一时意气,交到啲损友,近墨者黑,一生都会带嚟坏嘅影响。当时我好不以为然,交朋友,唔系性情相投最重要咩?点可以用“有用”、“冇用”嚟作为交友嘅标准啊?噉唔系太过势利咩?
    而家四十不惑,半世沧桑,朋友零落,酒徒萧索。谂起老窦嘅话,都觉得几有道理。所谓嘅“义气”,其实同所谓嘅“爱情”一样,都系经唔起时间嘅考验嘎。“有钱大家使,有女大家沟”嘅交友之道,只能适应青葱岁月。君子之交淡如水,可以伴随一生嘅人,肯定系嗰啲以文相会、以仁相辅嘅老友。
    我老窦读得书少,但交友之道,就暗合咗儒家嘅实用主义。孔Sir唔止一次噉讲过,君子,要“无友不如己者”(学而第一、子罕第九),要“友其士之仁者”,重详细区分咗三种“益友”同埋三种“损友”(季氏第十六),目的都系一个,就系为咗达到“仁”呢个人生嘅终极目标。
    结合上一Part嘅“忠告而善道之,不可则止”,我哋就可以了解到,“为朋友两肋插刀”或者“为乜乜插朋友两肋刀”噉嘅事,真正嘅儒家,都系唔会做嘎。    (插图:老饼

  评论这张
 
阅读(222)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017