注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·9 回也不愚(栋笃论语·为政第二)  

2007-02-24 14:52:49|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“吾与回言,终日不违,如愚。退而省其私,亦足以发,回也不愚。”

  【译文】回,即係孔子嘅学生颜回,字子渊,亦叫“颜渊”;不违,冇反对意见或者问题;发,有两种解释,一係讲颜回对孔子讲嘅嘢有所发挥,一係讲颜回私底下嘅说话或做法对孔子有所启发。
  孔子话:“我同阿颜回讲课,佢成日唔会反驳,亦唔会同我拗,好似好蠢噉样。但係,私底下观察佢嘅言行,对我讲嘅嘢都係有所发挥噶——其实佢一啲都唔蠢噶!”

  【栋笃】颜回係孔Sir最标青嘅学生嚟噶,佢自细屋企好穷,但係就特别好学,所以孔Sir係最锡佢噶。喺《论语》入边,孔Sir多次讲到呢个徒弟仔,仲赞不绝口添,比如“贤哉回也”、“回也好学”等等,孔Sir71岁嗰年,呢个回仔不幸病死咗,孔Sir喊到咩噉,仲话“天要我死啊天要我死啊”添。
  其实孔Sir弟子三千,最得意都有七十二个,你话唔通好学嘅得阿回仔一个咩?梗系唔会啦。噉点解孔Sir最锡佢呢?噉就梗系啦,你睇下孔Sir同阿回仔讲课,唔理讲乜,佢都冚棒唥收埋,冇一啲疑问,亦更加唔会同阿sir拗。比如,“子曾经曰过”:“人不知,而不愠,不亦君子乎?”阿回话:“Yes,sir!”“巧言令色,鲜于仁。”“Yes,sir!”“三年无改于父之道,可谓孝矣。”“Yes,sir!”“阿回你好蠢啊!”“Yes,sir!”一句讲到尾,回同学就係“听话”,搞到阿孔Sir仲以为佢係傻嘅添。但係,如果佢真係傻嘅,孔Sir又点会咁锡佢啊?讲到尾,孔Sir都係钟意聪明人噶。而颜回聪明嘅地方,就係佢识得几时应该诈傻扮懵,几时可以现下嘢嘞。嗱,喺私底下,同啲同学讨论嘅时候,佢就“足以发”,即係将孔Sir讲嘅嘢理解之后变成自己嘅嘢,举一反三,肯定仲有少少“违”添——噉样,人前“终日不违”,畀足阿Sir面;私下“亦足以发”,又证明到自己真正学到嘢,噉嘅学生,边个教授会唔钟意啊?所以,佢梗係“不愚”嘞。嗱,咩叫“大智若愚”,噉就係嘞。
    有人话,使唔使噉啊?听孔Sir嘅意思,好似唔钟意“不违”嘅学生噃!噉谂就错嘞,呢啲只係孔Sir嘅高姿态。孔Sir嘅教育方式係“填鸭式”,口气经常都係冇得商量嘅,比如:“由,诲女(),知之乎?”(阿由,我教你嘅,你识得咩?)如果有学生喺课堂上对佢唔够尊敬,佢就会好嬲噉闹佢。有一次,学生子路质疑孔子“何必读书然后为学”,认为实践之中亦都可以学到嘢,孔Sir就嬲到弹起,一啲都唔客气噉批评子路:“是故恶夫佞者(所以我至憎嗰啲花言巧语狡辩嘅人)。”噉样嘅态度,边个仲够胆“有违”啊!
    返番转头睇下依家嘅大学,好多学生都係充分继承咗老前辈颜回嘅精神。依家嘅研究生係点称呼教授嘅?唔係“老师”,亦唔係“阿Sir”,而係“老细”。即係话,唔少研究生係同教授打工嘅,打工仔面对老细,边个敢“违”啊?唔好话违唔违,教授攞学生嘅论文去发表嘅事,呢几年都爆咗唔少啦,恐怕嗰啲未爆嘅更多,噉啲“受害者”咪就係“如愚”?其实同阿回仔一样,学生都係“不愚”噶,谂下就明晒係咩回事嘞。 (插图:老饼)

  评论这张
 
阅读(139)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017