注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·5-2·8 问孝(栋笃论语·为政第二)  

2007-02-22 00:38:49|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文2·5 孟懿子问孝,子曰:“无违。”樊迟御,子告之曰:“孟孙问孝于我, 我对曰无违。”樊迟曰:“何谓也。”子曰:“生,事之以礼;死,葬之以礼,祭之以礼。”
  2·6 孟武伯问孝,子曰:“父母唯其疾之忧。”
  2·7 子游问孝,子曰:“今之孝者,是谓能养。至于犬马,皆能有养,不敬,何以别乎?”
  2·8 子夏问孝,子曰:“色难。有事,弟子服其劳;有酒食,先生馔,曾是以为孝乎?”

  【译文】孟懿子,係鲁国三大夫之一,姓仲孙,佢老窦临死之前要佢同阿孔子学礼,“孟孙”即係佢;樊迟,係孔子嘅学生;孟武伯,係孟懿子嘅仔;子游、子夏亦都係孔子嘅学生嚟噶。
  孟懿子问咩係孝,孔子话:“孝即係唔可以违反礼制。”樊子同阿孔子揸车,孔子讲畀佢知:“孟孙问我孝係咩,我答佢‘唔可以违反礼’。”樊迟问:“噉即係点啊?”孔子就话:“父母在世,要遵礼制去服侍佢哋;父母过咗身,就要礼葬佢哋、按照礼制去祭拜佢哋。”
  孟武伯问咩係孝,孔子话:“要特登为父母嘅病痛而担心。”
  子游问咩係孝,孔子话:“依家嘅孝,只係讲养老。係噉嘅话,养狗养马都係孝嘞——如果对父母冇尊敬之心,噉同养狗养马有咩区别啊?”
  子夏问咩係孝,孔子话:“最难做到嘅就係,对父母要有好面色。如果只係有事同父母去做,有酒餸畀父母食先,唔通噉样就算係孝咩?”

  【栋笃】点解要将呢四段捞埋一齐讲?就因为呢四段讲嘅都係同一个主题:孔sir心中嘅“孝”,究竟係乜嘢东东嚟呢?集中起嚟讲,就係对待父母一切都要礼制行先,唔单止要养,仲要有尊敬之心,唔可以黑面黑口噉对住父母。
  点解咁多人要问孝?就因为孔sir不嬲都认为,孝悌係为仁之本,不孝,即係最大嘅不仁。唔理係孟懿子噉嘅统治者又好,子游、子夏噉嘅学生又好,都係需要“仁孝”之名,先至有得捞噶。噉仁呢样嘢,又必须係发自内心嘅。所以孔sir心目中,真正嘅孝,唔单止要有形式主义嘅嘢,比如“事之以礼”、“葬之以礼,祭之以礼”等等,仲要有孝敬之心,噉样,父母病咗,你会心悒到死,平时对父母亦会和颜悦色。
  《廿四孝图》入边,讲咗一个为父母而食屎嘅故事(尝粪忧心)。喺南齐嘅时候,有一个叫做庾黔娄嘅县令。佢做官唔够十日,忽然间心慌慌噉,预感屋企有事,即刻辞官返乡下。到咗屋企,果然佢老窦已经病重两日。医生话:“想知道病情吉凶,只要试下病人啲屎嘅味道,味苦就会冇事。”庾黔娄谂都冇谂,就去食佢老窦啲屎,发现佢老窦啲竟然係甜嘅,佢就“唯其疾之忧”,求神拜佛,唯望代父去死。
  问你服未?

上一篇:
下一篇:
  评论这张
 
阅读(183)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017