注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·3 道之以德,齐之以礼(栋笃论语·为政第二)  

2007-02-14 00:58:49|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“道之以政,齐之以刑,民免而无耻;道之以德,齐之以礼,有耻且格。”

  【译文】道,引导、治理嘅意思;齐,整齐、约束噉解;免,即係避免;格,归顺、依附嘅意思。
  孔子话:“靠晒政策、法令嚟领导、管理国家,用啲刑罚嚟约束老百姓,老百姓只係因为惊受罚而唔敢去触及法律,但係并冇羞耻之心;用道德观嚟引导群众,用礼教嚟规范人民嘅思想行为,噉老百姓唔单止知廉耻,仲识得自觉守规矩添。”

  【栋笃】OK,插播咗一段推销教材嘅广告之后,孔教授就讲返嗰个“为政以德”嘅问题嘞。呢次,孔sir仲用咗对比嘅手法,讲咗以法治国同埋以德治国嘅唔同作用。佢就噉认为,制度、刑罚只能够起到恐吓作用,啲老百姓为咗避免犯罪,表面上唔敢乱嚟,但係实际上就心郁郁——即係话,法治係治标唔治本噶。但係“德治”就唔同嘞,用道德、礼义嚟教识老百姓,佢哋就会有羞耻之心,亦都自然会守规矩——即係治标又治本嘞。
  係“以法治国”重要定係“以德治国”重要,呢个问题就拗咗成两千年。其实,具体问题具体分析,法治同德治,喺唔同时期就有唔同嘅历史作用,唔可以捞埋一齐嚟讲。喺《后汉书·崔寔列传》入边讲:“刑罚者,治乱之药石也;德教者,兴平之梁肉也”乱世用重典,边个都知噶,因为乱世就好似人病咗,唔用刑罚呢啲“药石”来医係唔得嘅;而喺太平盛世,道德教化就係可以为社会呢个肌体注入营养嘅美食(梁肉)嘞——如果话“法治”係药物疗法、手术疗法嘅话,“德治”就係食疗嘞。健康时期嘅食疗,可以令到肌体营养充足、百病不侵;病咗,就要靠晒药物、吊针甚至做手术嘞。
  中国历史上最有名嘅太平盛世,就係唐太宗李世民嘅“贞观之治”嘞。嗰阵时嘅社会,政治清明,官员清廉,人民称心,唔公平嘅社会现象可能係中国历史上最少嘅。虽然阿李世民冇叫边个官员对外宣布:“长安係一个好安全嘅城市!”但係当时嘅长安市民的确係“夜不闭户、路不拾遗”嘅,安全感百分百。喺贞观四年,全国判死刑嘅罪犯净得29个人,到咗贞观六年,死囚增加到290人,嗰一年嘅年尾,李世民特批啲死囚可以返屋企办好身后事,出年秋天再返嚟受死。结果,到咗出年嘅九月份,290个死囚冚棒唥返翻嚟,一个都冇着草——要知道,当时交通、通讯係好落后噶,随便匿埋喺深山度都好难揾到,点解啲死囚仲咁做?噉就係“有耻且格”嘞。换咗依家,够胆你试下?
  但係,话又讲返嚟,贞观之治嘅成功,虽然唔可以讲係法治嘅成功,亦都唔可以简单噉话係德治嘅成功——关键係有一套成功嘅政治制度:以农为本,减轻税赋,休养生息,创建节约型社会等等,仲有,权力内部民主监督嘅初步形成,都係好重要嘅——大家谂返阿李世民同魏征嘅古仔就清楚嘞。一句到尾,法治又好,德治又好,“仅喊口号是不够的”。

  评论这张
 
阅读(196)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017