注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·1 为政以德(栋笃论语·为政第二)  

2007-02-10 21:06:51|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“为政以德,譬如北辰,居其所而众星共之。”

  【译文】北辰,即係北极星(唔係北斗星);所,係指所在嘅地方;共,通“拱”,环绕嘅意思。
  孔子话:“以道德教化嚟治理国家,就会好似北极星噉,企喺佢自己嘅位置,群星自然就会环绕喺佢四周围。”

  【栋笃】喺啱啱讲完嘅《论语》开篇“学而第一”入边,我哋可以睇到,孔sir同佢啲弟子讲解同讨论嘅,主要係孝悌、仁义呢啲基本嘅个人修养问题。到咗“为政第二”呢篇,孔sir就要打包发售佢嘅治国方略嘞。噉孔sir嘅治国理念主要係咩?唔使咁长气,就一个“德”字搞掂。以德治国,大家肯定好熟悉嘞。但係肯定有人谂唔到,呢个理论之源,就係曾经畀人闹到体无完肤嘅儒家思想嘞。噉点样“德治”法呢?其实喺“学而第一”入边,孔sir就讲过,“敬事而言,节用而爱人,使民以时”;“慎终,追远”等等。以德治国嘅完美境界,就係啲统治者自己做一个“有道之君”先,民众自然就会有样学样,“民德归厚”,噉天下自然就太平,君主就可以翘埋双手唔使做嘞。
  对“为政以德”嘅具体解释,不嬲都有两种噶:“有为”同埋“无为”。有为,即係指统治者要致力于民众嘅道德教化,提升民众嘅道德水准,达到“民德归厚”嘅目的;无为,係话啲统治者自己做好自己嘅道德修养就得嘞,唔使鬼咁勤力去处理政事,上梁唔斜,下梁自然就会正。噉你就可以好似北极星噉高高在上,百官万民,就自自然然会围住你凼凼转嘞——道家嘅“无为而治”思想,亦都係噉讲嘅。但係唔理有为无为,统治者最紧要嘅係“以德服人”——讲到呢个词,大家都会谂到喺电影《方世玉》入边雷老虎嗰句经典台词。点解咁搞笑?就因为雷老虎成日讲“以德服人”,不过就成日“以力服人”嘅。其实呢句话係孟子喺《公孙丑上》嗰篇讲嘅:“以力服人者,非心服也,力不赡也。以德服人者,中心悦而诚服也。”以德服人,先至係真嘅“服”。
  讲到呢度,可能有人要问:噉“以法治国”呢?唔使急,喺后日,孔sir就要“同大家分享呢个好重要嘅主题”嘞。

  评论这张
 
阅读(162)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017