注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.16 不患人之不己知(栋笃论语·学而第一)  

2007-02-08 23:37:51|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“不患人之不已知,患不知人也。”

  【译文】患,忧虑、担心噉解。
  孔子话:“唔使担心人哋唔了解你自己,真正要惊嘅係,自己唔了解人哋。”

  【栋笃】孔sir同啲徒弟仔讲呢一句说话,姿态的确係好高嘅。喺《论语》开篇嘅第一段话入边,孔sir就讲咗:“人不知,而不愠,不亦君子乎。”都係噉嘅意思。你学富五车、才高八斗,使乜惊人哋唔识你啊?酒香唔惊巷仔深,儒家嘅“二哥”孟子喺《告天下》中讲过:“舜发于畎亩之中,傅说举于版筑之间,胶鬲举于鱼盐之中,管夷吾举于士,孙叔敖举于海,百里奚举于市。”你睇呢啲青史留名嘅叻人,边个唔係匿埋喺啲偏僻嘅地方畀人发掘出土嘅?万一真係“我人在江湖,江湖却没有关于我的传说”,亦都唔好嬲,噉样先至係君子嘅行为。噉君子惊乜?君子要惊嘅,係唔了解人哋,唔知人哋有边啲地方叻过你自己。因为噉嘅话,你就会好似嗰只井底嘅蛤蟆噉,唔知天高地厚,以为自己係世上最巴闭嘅动物添——噉就唔係巴闭、而係自闭嘞,自闭嘅人,点可能“就有道而正焉”?点可能有进步?
  但係,孔sir虽然係噉讲,但係又好似唔係噉做个噃。你睇佢周游列国,到处向啲国君推销自己治国平天下嘅理论,好似就係“患人之不己知”噉嘞。仲引致阿子禽要问阿子贡,老师每到一国,都“闻其政”,噉究竟係“求之与”定“与之与”?搞到阿子贡要话,“夫子之求之也,其诸异乎人之求之与”(见1.10)。既然承认係“求”,唔理点求,都係“患人之不己知”啦,唔通孔sir讲一套、做一套,中央仲有一套?如果阿子禽又攞呢个问题去问阿子贡,子贡又会点答佢?我谂佢可能噉讲:“夫子之患,其诸异乎人之患乎!”点解?因为孔sir係痛心于“人心不古世风日下”,一生致力于恢复“周礼”,创建一个礼义之邦,所以佢嘅“患”同埋“求”,係为咗天下苍生而“患”、而“求”咖——噉解释,问你服未?未?未就抄呢一段话100次,抄到你服为止:)
  讲笑啫。不过,“今时今日,噉样嘅态度係未够咖”。因为依家嘅社会,係张爱玲所讲嘅“出名要趁早”嘅社会,亦都係一个“唔惊人闹,惊人唔知”嘅社会。你睇人才交流中心嗰度,日日畀啲“人才”逼到爆晒,有啲女大学生仲喺求职信入边贴埋自己嘅“泳衣照”,为乜啊?就係为咗“患人之不己知”。唔理你係博士前定博士后,唔学识点样推销自己,西北风都冇得食啊。你话,我学啲古人做“隐士”,匿埋喺深山度得唔得啊?你唔知依家边度都係“国家森林公园”咩?随便搭间“茅庐”都係违章建筑,打猎又违反咗“动物保护法”,点做得隐士啊?乖乖哋喺人才中心度递简历啦。  (插图:老饼

  评论这张
 
阅读(245)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017