注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.15 贫而乐道,富而好礼(栋笃论语·学而第一)  

2007-02-07 23:29:51|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文】子贡曰:“贫而无谄,富而无骄,何如?”子曰:“可也。未若贫而乐道,富而好礼者也。”子贡曰:《诗》云,‘如切如磋,如琢如磨’,其斯之谓与?”子曰:“赐也!始可与言《诗》已矣,告诸往而知来者。”

  【译文】谄,係谄媚、巴结、奉承嘅意思;如切如磋,如琢如磨,係《诗经·卫风·淇澳》中嘅两句诗,讲嘅係喺加工象牙或者係骨头嘅时候,切咗仲要磋磨,加工啲玉石,琢咗仲要打磨,有精益求精噉嘅意思;赐,係子贡嘅名;往,过去嘅事;来者,未来嘅事。
  子贡话:“一个人,虽然贫穷,但係唔会巴结、奉承人哋;虽然富贵,但唔会骄傲自大,噉点啊?”孔子话:“都係得嘅。不过,仲比唔上嗰啲贫穷又乐于道义、富贵又钟意礼节嘅人。”子贡又话:“《诗经》讲咗,‘如切如磋,如琢如磨’,係咪噉嘅意思啊?”孔子话:“阿赐啊,依家可以开始同你倾《诗经》嘞!因为你能够举一反三,从我讲过嘅说话中领会到我未讲嘅意思。”

  【栋笃】各位同学,寻日阿孔sir讲完“君子食无求饱居无求安”,布置咗家庭作业,要大家返屋企“三省吾身”。今日一返学,阿子贡同学好积极噉举手发言,讲咗佢谂咗成晚之后嘅心得:佢觉得,人生嘅最高境界,就係“贫而无谄,富而无骄”。讲完之后佢仲好得戚噉问阿孔sir:点啊?估唔到孔sir虽然畀面肯定佢,跟住又即刻指出佢嘅思想境界嘅不足:安贫乐道、富而好礼,先至係人生嘅最高境界。点解?贫穷嘅人,只有“无谄”係未够嘅。因为“无谄”之外,仲有仇富、憎穷、自暴自弃、怨恨社会等等唔好嘅心态。富而无骄,亦係唔够嘅,因为“为富不仁”嘅表现有好多种,“骄”只係其中一种,仲有富而奢、富而淫等等。所有呢啲,都係唔符合“道”同“礼”嘅,都有可能引致社会嘅唔安定。如果穷人能够安贫乐道,“食唔饱居唔安”仲识得“就有道而正焉”,啲富人又能够自觉噉用啲礼节嚟约束自己,噉就一天光晒嘞,噉样嘅社会,先至係一个理想嘅国度。
  喺儒家另一部经典《礼记》入边记载咗一个“嗟来之食”嘅故事:有一年齐国大旱,好多老百姓饿死咗。有一个叫黔敖嘅富人,摆咗啲食物喺路边,等啲灾民过嚟食。有一个灾民行过嚟,佢即刻大声噉嗌:“喂,过嚟食嘢啊(嗟,来食)!”嗰个灾民一听就话:“我就係因为唔食嗟来之食先至饿成噉嘅!”黔敖即刻同佢道歉,但係嗰个灾民死都唔肯食,卒之饿死咗。喺呢个古仔入边,唔使讲,黔敖就係一个“富而骄”嘅人,但后尾佢知错即刻道歉,都係几“富而好礼”嘞。而嗰个灾民,同嗰个“不为五斗米折腰”嘅陶渊明、饿死唔食美国“救济粮”嘅朱自清一样,都係唔单止“贫而无谄”、更加係“贫而乐道”嘅高人嚟咖。
  讲返嗰个抢先发言嘅子贡同学,佢听咗孔sir嘅教导,即刻明白咗,仲谂起《诗经》中关于“人不琢不成器”嘅句子,明白孔sir讲嘅意思,即係穷人富人,都要经过“道”、“礼”嘅磨炼,先至可以成为君子。呢一次,孔sir即刻狂赞佢,仲话可以开始同佢倾《诗经》添。师生两人,一锣一鼓,完成咗一次理想主义嘅对话。(插图:老饼)

  评论这张
 
阅读(348)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017