注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.14 君子食无求饱居无求安(栋笃论语·学而第一)  

2007-02-06 22:51:51|  分类: 乱弹论语 |  标签: |举报 |字号 订阅

  下载LOFTER 我的照片书  |

    【原文】子曰:“君子食无求饱,居无求安,敏于事而慎于言,就有道而正焉,可谓好学也已。”

  【译文】敏于事,即係做嘢勤力;慎于言,即係讲嘢谨慎;就,接近噉解。
  孔子话:君子唔追求饮食嘅饱足,亦唔追求起居嘅安逸;做嘢勤力,讲嘢小心,接近啲道德高尚嘅人,有样学样噉嚟矫正自己嘅行为。噉样就可以讲係好学嘞。

  【栋笃】喺《论语》嘅第一篇入边,孔sir呢一句说话,係好重要嘅。因为佢具体讲咗,君子嘅人生意义,即係应该用啲点样嘅态度去面对物质享受。“君子食无求饱,居无求安”,噉求乜?梗係“求其”嘞。人喺呢个世界生活,梗係离唔开衣、食、住、行呢啲物质生活咖,希望着得靓、食得正、住得好、行得快,都係人之常情。但係,人又唔係为咗物质享受而活喺呢个世上嘅——人仲必须有更高层次精神需求,呢啲先至係人同动物唔同嘅地方。君子唔係普通人,就更加唔可以一味讲物质享受,有得食,有得住,求求其其就得嘞。仲有,喺平时,就要勤力做嘢、小心讲嘢,向啲道德高尚嘅人睇齐,以佢哋嘅言谈举止为标准嚟修正自己。做到噉嘅人,就可以话係一个好学之人嘞——咪住,呢度嘅“好学”,讲嘅可能唔係“学习知识”嘅“学”,而係“学做人”嘅“学”。唔知大家仲记唔记得,喺前边,孔sir就要求过佢嘅弟子,要孝悌、谨信、博爱、亲仁,得闲再“学以文”。可见,“学文”呢家嘢,同食嘢、居家一样,冇“修身”咁重要,一於求其得嘞。
    孔sir的确係一个理想主义者嚟咖,佢呢句说话,依家都有现实意义。但係,到咗两宋时期,“程朱理学”得势,啲道学家就夹硬将呢个要求好变态噉拔高到“存天理,灭人欲”嘅高度,仲讲咩“饿死事小,失节事大”,直情当人唔係人,係神嚟咖。但係,话时话,啲道学家自己嘅行为,简直係自打嘴巴啊:最出名嘅道学家朱熹,喺1196年,竟然畀察御史沈继祖“笃背脊”,话佢言行不一,引诱两个尼姑做妾氏。吓到老朱上表认罪,仲闹自己係“草茅贱士,章句腐儒,唯知伪学之传,岂适明时之用”。噉样嘅道学家,简直就係孔门嘅败类加叛徒。佢哋嘅理论,点可能叫人信服?所以,依家仲用“假道学”呢个词嚟讲嗰啲伪君子添。
    道学家之外,呢两千年嚟,又有几个人照住孔sir嘅教导去做?孔乙己话:多乎哉?不多也!到咗依家呢个物欲横流嘅社会,有人的确係“食无求饱居无求安”——咪住,佢哋食无求饱,但求“奇”,有咩山珍海味,唔理係国家几级保护动物,越出奇嘅越要食;居无求安,但求靓,乜乜一线江景复式别墅成十万一平方都有人争住买。有人就“食求唔到饱,居求唔到安”——有“教育、医疗、住房”新“三座大山”压住,点求得食饱居安?一个人,如果三餐难度居无片瓦,你仲忍心要求佢“就有道而正焉”?有冇搞错啊!     (插图:老饼)

  评论这张
 
阅读(739)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017