注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.13 信近于义(栋笃论语·学而第一)  

2007-02-06 01:20:51|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文】有子曰:“信近于义,言可复也;恭近于礼,远耻辱也;因不失其亲,亦可宗也。”

  【译文】信,係信用、诺言;义,係道义,即係儒家嘅行为规范;复,实践诺言噉解;恭,係恭敬;礼,即係周礼;因,唔係“因为”,而係依靠、凭藉,喺度指嘅係所交往嘅人;宗,係推崇、尊敬噉嘅意思。
  有子话:人所许下嘅诺言,如果符合啲道义,噉就係可以践行咖;人嘅恭敬行为如果符合晒啲礼仪,就可以远离耻辱;人所依附、依靠嘅人入边,如果冇遗漏咗自己嘅亲戚族人,噉嘅人亦都係值得尊敬咖。

  【栋笃】卒之讲到“信”嘞。喺儒家嘅行为规范入边,“守信”係一个好重要嘅内容嚟咖。喺后边我哋仲要讲到嘅“为政第二”入边,孔sir特征讲咗:“人而无信,不知其可也。”但係,信,係唔可以无条件去“复”(践诺)嘅。呢个必要条件,就係要睇下,你许嘅诺言,係咪“近于义”,即係有冇符合儒家嘅道德规范。有,先至可以牙齿当金使,言出必诺;冇,即使食言,都係权宜之计嚟咖。喺《水浒》入边,林冲被逼上梁山,王伦要佢落山,三日之内杀个人做“头名状”,先至畀佢入伙。林冲无路可走,应承咗王伦,但落山之后又三番四次落唔到手——点解?因为无端端杀一个无辜嘅人,就係“不义”嘅行为。林冲只係畀官府逼到无路行先至要上山落草啫。佢应承咗王伦,即係喺王伦面前许下咗诺言——噉样,林冲就撞到一个两难嘅问题:杀人,即係不义;唔杀,又失信。点办?好彩后尾撞到杨志,一番厮杀,王伦睇中咗杨志,想招佢都上山落草,先至解决咗林冲嘅问题。
  讲咗“守信”嘅必要条件,有子跟住又讲“恭”嘅辩证法嘞。本来,“恭”本身就係“礼”嘅范畴,点解又话“恭近于礼”呢?因为,恭敬,係要睇对象咖。所谓尊君子、远小人,对君子表示恭敬,係符合晒啲“礼”嘅;但係,如果小人得志,掌握咗权势,你趋炎附势,噉就等于自取其辱嘞。所以,“恭近于礼”,先至可以“远耻辱也”。喺明朝天启帝嗰阵,太监魏忠贤权势遮天,文武百官中嘅大部分,被迫或者主动噉做佢嘅孝子贤孙。浙江巡抚潘汝桢竟然带头同魏忠贤立生祠。佢一带头,全国各地文武官员即刻跟进,纷纷同呢位“九千岁”立“生祠”,直情当佢係同孔子地位一样嘅“圣人”噉拜吖。魏忠贤后尾畀崇祯皇帝坠冧咗,嗰啲为佢立生祠嘅人,即刻就自取其辱,同佢一齐遗臭万年。呢啲,就叫做“恭远于礼,近耻辱也”。

  评论这张
 
阅读(155)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017