注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.12 和为贵(栋笃论语·学而第一)  

2007-02-04 22:04:51|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文】有子曰:“礼之用,和为贵。先王之道,斯为美。小大由之,有所不行。知和而和,不以礼节之,亦不可行也。”

  【译文】礼,係讲春秋时代嘅社会典范,包括国家嘅规章制度同埋民间嘅道德守则;和,即係协调、和谐;先王,唔係边个诸侯国嘅前任国君,而係指尧、舜、禹、汤、文、武、周公等,佢哋都係孔子至为推崇嘅所谓“圣主”。
  有子话:礼嘅作用,以达到和谐至为珍贵。以前啲明君圣主嘅治国之道,就係因为噉样,所以係完美嘅。但係,如果大事小事,净係顾住和谐,有时就唔係几妥咖。为咗和谐而和谐,唔用啲礼法嚟节制,亦都係唔得嘅。

  【栋笃】仁、义、礼、智、信,呢章係《论语》之中第一次讲到“礼”呢个问题。由孔门嘅尖子生有子讲出嚟,亦都係孔sir本人嘅思想嚟咖。孔sir成日掛住要恢复周礼,噉周礼有咩用呢?周礼最大嘅作用,就係可以创建一个和谐社会嘞。噉咩叫“和”呢?杨遇夫喺《论语疏证》中噉话:“事之中节者皆谓之和。”嘅係好啱、恰到好处。喺一个国家内部,“和”嘅表现,就係社会各阶层各安本分、相安无事。孔sir周游列国嘅时候,睇到啲诸侯国“世风日下”、“人心不古”,以下犯上,臣弑君、子弑父嘅事成日发生。佢好痛心噉认为,噉就係因为“(周)礼崩乐坏”造成嘅。所以佢成世嘅努力,都係要恢复“先王之道”。但係,儒家思想都係有啲朴素嘅辩证主义嘅,有子就认为,如果唔理乜大事小事,净係顾住和谐、和谐,甚至乎为咗达到和谐嘅目的,夹硬去创造和谐,冇用啲礼教去节制,噉就係形式主义嘞。噉样嘅形式主义,同“礼”嘅目的,係背道而驰嘅。喺一个贫富悬殊、社会矛盾激烈嘅国家入面,要讲“和为贵”,就唔可以动用强权去钳制不满(知和而和),而要完善法制(以礼节之),缩短贫富差距,让“为富者”唔敢“不仁”,为底层嘅人民创造发展空间,走共同致富嘅道路。噉样先至係“斯为美”。
  国家内部係噉,国与国嘅关系都係噉。宋高宗赵构同埋奸臣秦桧,就係为咗同金国“和为贵”,而夹埋害死咗唔肯“讲和”嘅岳飞咖。结果,赵构同埋秦桧都得到咗千秋骂名。点解?就係为咗一己私利置民族利益于不顾,同侵略者讲“和为贵”。喺1938年10月28日,国难当头,第二次国民参政会议喺重庆召开,著名嘅华侨领袖陈嘉庚以参政员嘅身份拍咗一封“电报提案”:“敌未出国土前,言和即汉奸。”呢份提案好快就得到会章规定嘅20位以上嘅会员联署。当时嘅国民参政会议长就係汪精卫,佢宣读呢份提案嗰阵,黑面黑口。呢十一个字嘅提案,亦都成为“古今中外最伟大的一个提案”(邹韬奋语)。可见,牺牲原则、唔受礼教节制嘅“和”,係“不可行也”。

  评论这张
 
阅读(206)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017