注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.8 过则勿惮改(栋笃论语·学而第一)  

2007-01-23 22:51:51|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“君子不重则不威;学则不固。主忠信。无友不如己者。过则勿惮改。”

  【译文】重,係自重嘅意思;固,一般係理解为“牢固”;主忠信:以忠信为主;不如己:一般解释为不如自己,另一种解释係“同自己唔同道”;惮:惊嘅意思。
  孔子话:“君子如果唔够严肃、自重,就冇晒权威,所学嘢就唔够稳阵;要以忠信为主,冇嗰啲各方面都不如自己嘅朋友;有咗过错,就唔怕改正。”

  【栋笃】对于君子嘅要求,孔sir呢几句,就讲得又有姿势、又有实际嘞。君子不重则不威,呢个“重”字,包括咗好多内容:讲嘢做嘢,要“重”;仪表姿容,要“重”;兴趣爱好,亦都要“重”。唔重嘅话,就会言而冇信,作风轻浮,心浮气躁,跟住学嘢同埋实践活动都唔会稳阵。“主忠信”就唔使讲嘞,都係长气嘅话题。但係,“无友不如己者”呢一句,如果净喺字面上解释,就有少少无厘头嘞。点解?每一个人,都要同嗰啲叻过自己嘅人交朋友,逻辑上讲都冇可能嘞——同一个道理,你要嗰啲叻过你嘅人做朋友,咁佢亦都要叻过佢嘅人做朋友,点可能同你交朋友?以此类推,每个人就都冇朋友嘞。但我谂阿孔sir唔会咁整蛊人吖嘛?咪住,喺后边嘅《述而第七》嗰篇入边,孔sir重讲过一句好出名嘅话:三人行,必有我师焉。咩意思?就係每一个人都有叻过别人嘅地方,所以每一个人都要睇到别人嘅长处,梗係“无友不如己者”嘞,你话係咪?但係,噉都未算就係一个完美嘅君子,成为君子至重要嘅一点,就係“过则勿惮改”,因为呢一点,係最难做到嘅。春秋时期,晋灵公无道滥杀,一个大臣叫士季嘅冒死进谏,灵公即刻表示要改过。士季好高兴噉同佢讲:人谁无过?过而能改,善莫大焉。为人君者都係噉,做“君子”嘅,就更加要勇于改过嘞。当代一个智者噉讲过:“道德呢样嘢,应该係孭喺自己背脊嘅鸡毛掸,而唔係掟向他人嘅臭鸡蛋。”喺中国历史上最出名嘅自我改错嘅古仔,梗係要讲廉颇“负荆请罪”嗰一段嘞:廉颇係赵国大将,因为战功畀赵王封为上卿;另一个文臣蔺相如则凭计谋同埋口舌之利立咗功,亦都畀封为上卿,地位重喺廉颇之上。廉颇唔服,多次噉侮辱蔺相如,相如都唔同佢计较。后尾廉颇知错,喺自己背脊孭咗荆条,亲自上门同蔺相如请罪。将相相和,历史上传为佳话。现代进步嘅政治制度,有一条好重要嘅“高官问责制”,就係为咗监督啲执政者“过则勿惮改”。因为普通人知错唔改可能祸害唔係几大,为官者如果知错不改,就有可能导致生灵涂炭江山变色嘞。上边讲咗嗰个晋灵公,口花花应成为改过,然之后言而无信,残暴依旧,卒之畀臣下杀咗——嗱,呢啲就叫做“不重则不威”嘞,嗰啲同晋灵公一样嘅人,前车之鉴,阴住嘞。  (插图:老饼

  评论这张
 
阅读(258)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017