注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.11 三年无改于父之道  

2007-02-02 11:56:51|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“父在,观其志;父没,观其行;三年无改于父之道,可谓孝矣。”

  【译文】孔子话:“老窦在世嘅时候,要观察佢嘅志向;老窦过咗身,就要睇佢嘅实际行动嘞;三年冇改过佢老窦嘅为人处事之道,就可以话係孝嘞。“

  【栋笃】喺上一part讲“慎终追远”嘅时候,在下就提前讲咗孔sir嘅呢一句最出名嘅孝道观。嗱,孔sir你成日讲孝道,究竟喺日常生活中点先至算係“孝”呢?“父在,观其志”,老窦在世,佢梗係一家之主,一言九鼎,做仔女嘅,就冇咩独立处事嘅权利同埋机会,但係噉嘅情况之下,亦都可以观察佢哋嘅愿望、志向,有冇阳奉阴违,成日谂住要同老窦“背道而驰”,如果有,梗係不孝嘞。唔知大家有冇睇过,喺《麦兜故事》入边,阿麦太同佢嘅仔麦兜讲“睡前故事”,讲嚟讲去,都係嗰几句鬼死闷嘅“从前有一个小朋友”,麦兜实在忍唔住,细细声噉要求:“阿妈,不如讲哈利波特啦……”麦太即刻闹咗一声:“不孝啊你!”点解唔听阿妈讲嘅古仔,想听哈利波特就係“不孝”?原来麦兜自细冇老窦,麦太既係老母又係老窦,佢讲嘅“古仔”虽然简单到死,但係包含住佢希望麦兜应该有嘅“志”:唔讲大话、勤力读书等等;而麦兜想听哈利波特,“其志”在于“玩”,梗係不孝嘞。
  “父没,观其行”,老窦过咗身,就要睇啲仔嘅行动,先至可以判断佢係孝定不孝嘞。点睇?就係睇佢喺三年之内,有冇改咗佢老窦修身、齐家嘅做法嘞——改咗,就係不孝;照做,先至係孝。咁如果佢老窦嘅“道”係“旁门左道”呢?唔通都冇得改?梗係嘞,宋代啲理学家就係噉认为嘅:如不能无改于父之道,所行虽善亦不得为孝——反过嚟讲都係成立嘅:如无改于父之道,所行虽恶亦为孝。比如话,你老窦生前认为买“六仔”可以兴家,咁你就倾家荡产都要赌落去;你老窦生前钟意参加“杨箕村一日游”,认为噉可以强身健体,你亦都要继承遗志“踏着父辈的足迹前进”,直到为呢个光荣嘅事业献出自己宝贵嘅生命……啊?头先边位同学话“噉唔係好黐线”?恭喜晒你,你係三楼楼长嘞:)因为,咁“愚孝”,的确係好黐线咖。噉孔sir点解仲要噉讲?唔通佢自己黐咗先?阴功啊噉谂,孔sir梗係唔会黐嘞,就算真係黐,亦都係“异乎人”咖。所以有人就话嘞,呢个“道”,係“正道”噉解,即係正确嘅途径、方向——但係如果真係噉嘅话,成世都唔改得啊,使乜讲“三年”?
  我哋嚟睇下,明末清初嘅大学者黄宗羲係点做嘅。黄sir係前明遗臣,大明瓜咗,佢起兵抗清,兵败之后返乡下教书,至死都唔做清朝嘅官,够晒精忠——因为反清复明,就係佢嘅大“道”。但係,到咗康熙修《明史》需要人才嗰阵,黄宗羲又主动叫佢嘅仔去帮手康熙,参加修史嘅工作——佢仲未死,就主动要个仔“改于父之道”,噉唔係好奇怪?一啲都唔奇怪:黄sir自己成世都同清朝唔夹,呢啲係佢自己嘅个人气节,无谓累仔及孙。康熙係一个好皇帝(相对而言),佢领导修《明史》,係一件利国利民嘅善事来咖,帮手参加咁有意义嘅工作,就係对国家历史负责,噉样,“改于父之道”又有乜所谓呢?
  时间到咗上世纪六七十年代,喺嗰场“史无前例”嘅浩劫之中,喺唯恐天下不乱嘅领导人策划、推动之下,咪讲係儒家思想,中国人嘅传统价值观冚棒唥被摧毁咗,为咗向领袖“表忠心”,亦为咗自保,夫妻反目、兄弟成仇、父子相残,走向“无改于父之道”呢句话嘅反面极端——老窦如果係“反革命”,做仔女嘅即刻要同佢“划清界限”,三个钟都唔使。为咗表示自己“改于父之道”嘅决心,亲自带人整佢老窦,甚至乎喺批斗现场将老窦当场打死嘅事都有过唔少。孔子讲呢句嘅时候,死都估唔到,一个喺佢嘅思想统治咗两千年嘅国家,第啲思想宣传咗十几廿年,咁灭绝人性嘅事就会发生!真係可悲、可叹、可恨!

  评论这张
 
阅读(121)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017