注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.10 温良恭俭让(栋笃论语·学而第一)  

2007-02-02 00:37:51|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子禽问于子贡曰:“夫子至于是邦也,必闻其政,求之与,抑与之与?”子贡曰:“夫子温、良、恭、俭、让以得之。夫子之求之也,其诸异乎人之求之与?”

  【译文】子禽问阿子贡:“孔sir去到每一个国家,都能够参与听闻政事。呢种资格,係佢自己主动噉去求番嚟嘅,定係人哋啲国君主动畀佢嘅呢?”子贡话:“孔sir係因为佢嘅温顺、善良、恭敬、俭朴、谦让,先至得到噉嘅资格咖。佢呢一种求嘅方式,大概同人哋係唔一样咖。”

  【栋笃】呢句话,係成部《论语》入边嘅第一句对话。孔子嘅思想,好多都係喺佢同学生之间、学生同学生之间嘅倾谒过程中流露出嚟咖,因为倾谒係思想交流嘅最好方式嚟咖。子禽呢个人,有人话佢係孔子嘅学生,有人话唔係,因为《史记·仲尼弟子列传》入边冇佢嗰名。我谂都係唔係——如果係嘅话,佢就唔会问阿子贡同学一个咁敏感嘅问题嘞。点解话呢个问题敏感呢?因为孔sir一生周游列国,见过大大细细八十几个君主,的确係有唔少君主畀佢过问国事咖。但係呢种资格,又的而且确係孔sir自己主动去要求咖,只不过,佢嘅求官方式同人哋有少少唔同:佢係尽量以君子嘅标准去要求自己、完善自己,畀人一种“温良恭俭让”嘅印象,引起啲君主嘅注意,先至可以得到呢种资格。但係讲时讲,“求”就始终都係“求”,你睇历史上嗰啲有经天纬地能力、辅佐君主建功立业嘅叻人,有几个唔係设计咗种种“异乎人”嘅桥去“求之”咖?当年阿姜子牙喺渭水边摆一个“愿者上钩”嘅甫士、诸葛亮匿埋喺茅庐入边教人唱K,讲到尾,都係为咗引起周文王、刘皇叔嘅注意啫。大佬,你话呢啲係咪“求”啊?
  其实,讲嚟讲去,儒家同佛家、道家唔一样,始终都係要积极入世、“学而时习之”嘅。通过自己嘅言论或者行动去引起最高统治者嘅垂青,跟住得到一官半职有咗参政资格,先至可以实现自己嘅治国方略——噉样嘅行为係最正常不过咖。所以,一般嘅儒家弟子,用呢种方式去求官,唔单止唔係丢架嘅事,重係正途嚟咖。但係孔sir係孔sir啊,佢係儒家嘅至尊无敌掌门人来咖,一般嘅弟子又点可以同佢比呢?所以,面对子禽嘅敏感疑问,子贡如果照直讲,可能就係对阿sir嘅唔尊重;讲大话,又违反咗儒家嘅道德要求——为尊者讳,噉佢就唯有避实就虚噉讲,“夫子之求之也,其诸异乎人之求之与?”唔一样,唔一样;唔讲得,唔讲得。  (插图:老饼

  评论这张
 
阅读(168)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017