注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.9 慎终追远(栋笃论语·学而第一)  

2007-01-31 23:55:51|  分类: 乱弹论语 |  标签: |举报 |字号 订阅

  下载LOFTER 我的照片书  |

    【原文曾子曰:“慎终,追远,民德归厚矣。”

  【译文】终,人死咗嘅意思。喺度讲嘅主要係父母过咗身。慎终,既係话要认真、谨慎噉对待父母过身呢件事。远,即係离开我哋远去嘅祖先。追远,意思係祭拜祖先要诚心诚意。
  曾子话:认真谨慎、尽礼尽节噉去对待父母过身同埋祭拜祖先呢两件事,民间嘅道德风尚就会一日比一日纯厚、高尚起嚟。

  【栋笃】从原始氏族嘅时代开始,中国社会几千年嚟,始终都係一个宗族式嘅社会嚟咖。咩叫“宗族式社会”?就係以宗姓、族群为组成单位嘅社会。一个人,如果能够孝敬老窦老母,佢就会有宗族意识咖;有族群意识,亦都自然会有忠君思想(或者係“爱国思想”)。喺古时候,“败祖辱宗”係最大嘅骂名,“族谱除名”係最冇面嘅事——呢个人以后都唔使旨意喺江湖行走嘞。呢啲,就係儒家“孝为忠之本”、“孝悌係为仁之本”等思想嘅理论基础嘞。咁点样去尽孝呢?日常生活中嘅孝敬老窦老母,係细水长流嘅“小孝”,你点样做,人哋係好难睇到咖。最需要集中表现出嚟嘅“大孝”,就睇你点对待父母过身、祭拜祖先呢两件事嘞。所以,喺儒家思想嘅影响之下,古人喺父母过身嗰阵,係有好多特别礼节嘅,你屋企冇钱,都要揾大耳窿度水嚟办丧事,“卖身葬父”嘅孝子,我哋都係听咗唔少咖。唔理你係朝廷大官定係地方小吏,死咗老窦,你都可以请三年嘅“带薪长假”,乜事都唔使做,成日喺屋企守孝就得嘞——呢啲就叫做“丁忧”;老窦死咗之后,仲要“三年无改于父之道”,先至係“孝”——嗱,你老窦生前钟意铺地砖,唔畀你铺木地板,你咪以为佢死咗,你就可以起晒啲地砖换木地板嘞——话你知,噉就係大不孝。而一年一次嘅祭祖礼,唔理係一乡一姓嘅祖先,定係一邦一国嘅祖先,都係一次提高族群意识、防止人心涣散嘅好机会嚟嘅。但係老百姓係有样学样咖,你要老百姓“慎终追远”,要“民德归厚”,首先你作为统治者嘅,就要摆出噉嘅姿态先。所以,曾子呢句话,其实都係同啲上层阶级讲嘅。可惜,话时话,儒家思想嘅“天理”,毕竟係斗唔过皇权思想嘅“人欲”咖,两千几年嚟嘅中国,几乎每一个王朝,都发生过为咗争皇位而弑父杀兄嘅故事。当正儒家思想做遮丑布嘅封建王朝都喺噉嘞,嗰啲一开始就打倒咗儒家思想嘅“王朝”,就更加唔使讲嘞。噉你话,中国嘅“民德”,几时先至可以真正“归厚”呢?  (插图:老饼

  评论这张
 
阅读(157)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017