注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.7贤贤易色(栋笃论语·学而第一)  

2007-01-18 22:26:52|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子夏曰:“贤贤易色;事父母能竭其力;事君,能致其身;与朋友交,言而有信。虽曰未学,吾必谓之学矣。”

  【译文】贤贤:第一个“贤”字,作动词用,係“尊重”嘅意思。贤贤,即係尊重啲贤能嘅人咁解。易色,呢个“易”字,有两种解释:一係改变,即係改变色心,唔做咸湿佬;二係轻视,即係轻视女色。致其身:即话要将生命献畀君主。
  子夏话:一个人,如果能够尊重贤能,轻视女色;服侍父母能够尽心尽力,奉侍君王能够唔顾条命;交朋处友言而有信——噉嘅人,即管佢话佢未学过嘢,我都一定要话佢经已学过嘞。

  【栋笃】嗱,上一节课,孔sir讲咗,做弟子嘅要孝悌谨信博爱,做完呢啲,得闲先至“学文”。呢一节课,就係学生讨论发言嘅时间嘞。你睇,子夏同学好积极,即刻举手发言——咪住,睇下阿子夏同学嘅档案先:子夏姓卜名商,“子夏”係佢嘅字,佢出生于公元前507年,比孔子细咗44岁。孔子瓜咗,一鸡死一鸡鸣,子夏喺魏国继续宣传孔子嘅思想同埋主张。嗱,佢哋师徒噉长气,我哋唔长气都唔得。孔sir讲“行有余力则以学文”,子夏嘅表态係青出于蓝胜于蓝。佢认为,只要能够做到仁孝忠信,噉未学过嘢都等于学过嘞——直情比佢老师重彻底添。睇嚟,如果子夏老师带研究生,唔跟佢都傻嘞——你话係仁孝忠信难定係考六级写论文难啊?嗱,呢两年,我百分百尊重阿教授你,你叫我做乜我做乜;我重友轻色,唔会换GF好似换衫咁快;我孝敬我老窦老母,我将青春献给党,我话请死党啤啤佢就啤啤佢……好嘞,两年一到,要毕业要交论文嘞,我同子夏教授话,教授啊唔好意思,呢两年我未学过嘢噃(汗)。唔使惊,子夏教授即刻话:“你话你未学过就未学过啊?唔得,你一定学过。话你得,你就得,唔得都要得。嗱,硕士文凭攞去。”大佬,自古至今,边有咁大只蛤蝲随街跳啊!如果天下人人都听佢哋嘅话,我讲过,噉就益咗啲统治者嘞。一个人人都仁义忠信嘅礼仪之邦,唔理佢係“几乘”之国,统治起嚟,係好悭力嘅。唔信吖?“知识越多越反动”呢句话,係边啲人讲噶?咔咔。 (插图:老饼

  评论这张
 
阅读(317)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017