注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

白话入边有禅机  

2007-01-16 11:40:52|  分类: 书评 |  标签: |举报 |字号 订阅

  下载LOFTER 我的照片书  |
  无论边度嘅方言,最有代表性、最有生命力、最有吸引力嘅地方,都係嗰啲口语、俗语、口头禅、歇后语等民间语言。学习或者研究一个地方嘅语言文化,从呢啲民间语言入手,係最悭时悭力嘅途径来嘅。呢条路,亦正係我哋“白话广州”而家行紧嘅路。所以我第一次收到《粤语口头禅》嘅作者饶原生嘅来稿嗰阵,就好高兴,因为我哋又多咗一位结伴同行嘅老友记,可以同我哋一路互相交流、切磋,共同为搭建一个方言文化嘅精彩平台而努力。
  《粤语口头禅》呢本书,由“风气篇”、“谋生篇”、“好逑篇”、“知人篇”、“观俗篇”同埋“附录”六个部分组成,收入书中嘅132条口头禅同埋15首歌谣等内容,都係作者工作之余有心收集得嚟噶,虽然冇将全部嘅粤语口语冚棒唥收埋(实际上係无可能嘅),但佢哋都係喺粤语地区流行最广、最有代表性嘅口语同埋歌谣。每一个词条入边,既有注音、释义、例句,亦有深入浅出嘅发挥;而每一个词条嘅凡例发挥,都係一篇结构完整嘅杂文,既係词条本身嘅发挥,又冇拘泥于词条本身嘅限制,而加入咗作者自己对于同呢个词有关嘅历史、文化、习俗、社会现象有关嘅思考,有啲幽默风趣,有啲切中时弊。比如,喺书中嘅“街坊”词条入边,作者写到:“现代城市生活中的街坊关系,总体来说已乏善可陈。有人对比城里与乡下人之异同编段子,其中一句说的是,‘手机存了两三百个号码,没有一个是邻居的’……”相信睇完之后,粤语地区嘅读者可以加深咗自己对母语嘅认识,而嗰啲同我一样有志学习粤语嘅人,肯定能够深深噉记住呢个相关嘅口语,兼且喺日常生活中准确运用。
  但係,我冇少少唔明嘅係,作者对所有词条嘅注音,冇依照《广州话拼音方案》嚟进行,而係使用咗普通话近音字注音法。比如“擒青”,粤语规范注音係kem4 qing1,作者注係“读肯枪”,“肯枪”呢两个字,普通话读kěn qiāng,同kem4 qing1差好远。我谂作者嘅本意,係畀外地人学白话指条捷径,但我惊啲唔识白话嘅人如果照此嚟读,可能会畀误导咗。重有嘅就係,个别词条嘅来源,作者讲得唔係几准确。比如,重係呢个“擒青”,作者噉话:“广东人发明了‘擒青’这话,一定是基于对‘青’的审美价值的特殊认识。不信你看:大自然最怡人的情境就是‘青天’、‘青草’和‘青山’……”事实上,“擒青”一词来源于醒狮,传统嘅舞狮,要做埋望青、惊青、醉青等几个步骤先至可以“采青”,如果随便郁咗冇几下就“采青”,就会畀人笑係“擒青”。后嚟,“擒青”就引申为迫不及待嘅意思啦。
  但係瑕不掩瑜,虽然有啲值得商榷嘅地方,《粤语口头禅》仍不失为一本学习粤语入门嘅好书来噶,好似我噉,摆一本喺枱度,得闲学几句,获益匪浅。
  评论这张
 
阅读(119)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017