注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·19 大王,杀不杀?  

2008-12-09 23:38:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文季康子问政于孔子曰:“如杀无道,以就有道,何如?”孔子对曰:“子为政,焉用杀?子欲善而民善矣。君子之德风,小人之德草,草上之风,必偃。”

  【译文】季康子就为政之道问阿孔子话:“如果杀嗮啲坏人,成就啲好人,你觉得点啊?”孔子话:“执政使乜杀人啊?你一心向善,民众就会一心向善。君子嘅德行就好似风,小人嘅德行就好似草,风从草上吹过,草实会随风而倒嘎。”

  【栋笃】上世纪七十年代,我读小学嗰阵,班里边有个同学,系“地主仔”——即系话,佢嘅阿爷、老窦,都系地主。于是,喺同学里边,唔单止冇人同佢玩,重要成日畀人虾:边个钟意,随时都可以闹佢、打佢,呢个时候,佢声都唔敢声,抱住个头踎低,任人打餐饱。都系十岁左右嘅细路仔,点解无端端会有咁大嘅仇恨?皆因嗰时我哋所受嘅“阶级斗争”嘅教育,“地主”冚棒唥都系“万恶”嘎,对佢哋一啲都唔可以留情,打死罢就。
  历史上每一次嘅改朝换代,为咗巩固政权,新嘅统治者都会进行一轮残暴嘅镇压。杀人嘅人,都会振振有词噉话:“把一切反动派消灭光,人民才会过上好日子!”呢层意思,同季康子讲嘅一样,都系“杀无道,以就有道”噉解。
  季康子呢位鲁国嘅大佬,都唔知话佢死蠢好定系谦虚好——孔Sir已经一次又一次语重心长噉同佢讲:“领导干部要做好带头作用,社会风气才能有真正的好转。”佢都唔知真唔明定系诈傻扮懵玩阿孔Sir,重要一次又一次噉“问政”。好心你一次性问过够,孔Sir唔烦,我哋都好鬼烦啊。
  讲返历史,靠血腥镇压嚟维持嘅政权,能唔能够长治久安,大家是但翻下书就知。第啲唔讲,秦始皇嘅暴政,够强嘞啩?佢重谂住要“二世”、“三世”直到万世添,点不知,先至“二世”,就畀人推翻咗。
  季康子系咪真嘅“很傻”我哋唔知,不过,孔Sir就系真嘅“很天真”喇。佢将国家长治久安嘅希望,冚棒唥寄托喺统治者嘅“正”、“不欲”同埋“欲善”上边,同老百姓以为多几个“包青天”,天下就可以实现公平、正义一样,都只不过系一种善良嘅愿望啫,你以为真系“圣人出,黄河清”咩?呢种“天真”,喺当代嘅童话剧《英雄》入边,张艺谋又重申咗一次:觉悟到“杀无道,以就有道”系唔啱嘅刺客无名,卒之畀同样觉悟到“剑的最高境界是不杀”嘅秦始皇杀咗,真系够嗮讽刺喇,咔咔。    (插图:老饼

  评论这张
 
阅读(179)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017