注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·16 君子成人之美(栋笃论语·颜渊第十二)  

2008-11-30 23:56:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文】子曰:“君子成人之美,不成人之恶。小人反是。”

    【译文】孔子话:“君子成全人哋嘅好事,唔会助长人哋嘅坏事。小人就啱啱相反。”

    【栋笃】嗱,唔系我偷鸡,上一句(12·15)我冇栋笃讲下,系因为嗰句内容系重出,“博学于文,约之以礼,亦可以弗畔矣夫!”喺“雍也第六”入边就已经讲过(6·27),费事讲多次,嘥我哋嘅时间。
  “君子成人之美,不成人之恶”,哇,又系一句孔Sir金句嚟嘎,“成人之美”,而家亦系“成语之美”喇。
  君子同埋小人,一个企喺道德金字塔嘅塔尖,一个踎喺道德金字塔嘅塔底,两种极端,亦就决定咗两种唔同嘅表现:君子唔单止有高尚嘅私德,重有崇高嘅公德心——“大家好才是真的好”。所以,君子见到人哋有好事,自己帮得嘅,肯定要尽力去帮,就算牺牲自己嘅利益亦会感到快乐。比如,发觉你嘅女朋友钟意咗另一个男仔,而且佢哋喺埋一齐的确系金童玉女,好夹嘎,你点办?梗系放手喇,成人之美喇,你系君子吖嘛 大笑 再比如,喺迪厅度,一条友仔行埋嚟同你讲:“喂,大佬,你个样生得好似君子噉,成人之美喇,畀两嚿水我拍丸喇!”呢个时候,你畀定唔畀?梗系唔畀喇,你系君子吖嘛,“不成人之恶”之嘛(不过,如果佢手上抓住把刀,噉你重系考虑下先喇)。
  细到个人,大到国家,应该都系噉嘎。即系话:“君子国成人之美,不成人之恶。小人国反是。”比如一个邻国,本来就好穷,啲统治者又横征暴敛,穷兵黩武,要同啲富国搞咩军备竞赛,卒之搞到民不聊生,百姓冇啖饭食。呢个时候,个国王派人过嚟同你讲:“大佬啊,我哋呢个月又冇粮食喇,畀多几万石喇,你不嬲都系我哋大佬嚟嘎,唔畀嘅话,我惊啲百姓作反,我控制唔到,会影响到你哋啊!”呢个时候,你畀,定唔畀呢?咔咔。  (插图:老饼

  评论这张
 
阅读(403)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017