注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·13 “天下无讼”乌龙邦(栋笃论语·颜渊第十二)  

2008-11-27 00:57:13|  分类: 乱弹论语 |  标签: |举报 |字号 订阅

  下载LOFTER 我的照片书  |

    【原文子曰:“听讼,吾犹人也,必也使无讼乎!”

    【译文】孔子话:“讲到处理诉讼官司,我都同大家一样。点可以令到天下冇官司先至系最重要嘎!”

    【栋笃】寻日啱啱讲到,孔Sir话子路“片言折狱”,系单打阿由仔,嗱,有今日呢句为证喇:“听讼,吾犹人也。”即系话,由我嚟断案,我都同大家一样噉处理。噉“一样”系点样呢?咪就仔细听下诉讼双方嘅陈词、揾人证物证、睇边个讲大话、按理推断边个有理边个冇理等等啰,噉样先至唔屈咗边个系咪?(今日讲嘅“程序正义”,喺两千几年前,其实都系有嘎。)我做老师嘎,都要咁认真去断案,你条友仔真系咁巴闭,三两句就可以断案?
    但系,单打子路,并唔系孔Sir嘅真正目的。经验话畀我哋知,一个成日单打学生嘅老师,肯定唔系合格嘅老师。孔Sir重点要讲嘅,重系后边呢一句:“必也使无讼乎!”点样处理官司,其实唔系最重要嘅,点可以令到天下冇官司,先至系重中之重喇。噉点样先可以令到“天下无讼”呢?重使讲咩,就系孔Sir不嬲做紧嘅“以仁为本,推行教化”喇。孔Sir嘅理想,就系人人有仁义之心,内有孝悌,外行忠信,互敬互让——噉样嘅和谐社会,点可能有诉讼官司啊?到咗嗰时,公检法人员冚棒唥下岗——百姓唔使官做主,你哋返乡下卖番薯得喇,哇,噉样嘅社会,真系……
    咩?哦,我发紧梦啊?得喇得喇,我醒返喇。现实中冇,我发下梦都唔得咩?真系。
    不过,你咪笑住先,中国历史上,真系有过一个时期,好接近好接近“天下无讼”嘅理想社会嘎!几时?咪就“贞观之治”啰。历史记载,唐太宗贞观年间,“路不拾遗,夜不闭户”,民事诉讼同埋刑事案件嘅数量都降到历史最低点。最典型嘅贞观四年,全国有两百几万户人口,死刑犯先至几十个。史书入边记载,嗰时嘅刑法,基本都冇咩作用。
    噉“贞观之治”点可以咁成功?原因好多,几十讲都讲唔嗮,大家有兴趣可以去史书入边揾答案。我只系讲一点,比较重要嘅系,李世民基本上能够做到孟子讲嘅“民为贵,社稷次之,君为轻”,用依家嘅说话嚟讲,就系“以民为本”喇。
    有一种理想社会叫做“乌托邦”,孔Sir“天下无讼”嘅理想,简直就系“乌龙邦”。话之乜乜邦,我哋老百姓最希望生活嘅,系“安邦”。要“安邦”,最重要靠咩?靠法治。只有法治真正能够实行,先可以“天下少讼”,安邦治国。    (插图:老饼

  评论这张
 
阅读(213)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017