注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·12 黑旋风子路(栋笃论语·颜渊第十二)  

2008-11-24 23:07:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“片言可以折狱者,其由也与?”子路无宿诺。

  【译文】孔子话:“一两句说话就能够判决官司嘅人,大概就系子路()喇。”子路应承过嘅嘢,从来都唔会拖过第日。

  【栋笃】呢句说话,不嬲都有两种完全相反嘅解释,一种系话孔Sir赞子路做嘢果断,唔会拖泥带水,一种系话孔Sir弹子路鲁莽,只凭片面之辞就断官司。
    我以前话斋,孔Sir同阿由仔嘅关系,似极嗮唐僧同孙悟空、宋江同李逵——内心其实需要佢、离唔开佢,但有时候又会畀佢搞到好烦。咁啱嘅系,讲到断案,《水浒传》第74回《李逵寿张乔坐衙》入边,亦写到李逵贪得意,跑到寿张县扮县官玩,重要断案添。县衙嘅人都惊佢,冇计喇,叫咗两个“牢子”扮打交,畀李逵审决。李逵只系问佢一声,边个打人边个被打。问清之后,即刻话:“这个打了人的是好汉,先放了他去。这个不长进的,怎地吃人打了,与我枷号在衙门前示众!”嗱,咩叫“片言可以折狱”,噉样就系喇。
    另一种唔同嘅“片言可以折狱”,系《三国演义》第57回《耒阳县凤雏理事》,主角系“凤雏”庞统。诸葛亮推荐庞统畀刘备,刘备唔识货,睇唔起佢,只系畀个耒阳县令佢做。庞统到任之后,“不理政事,终日饮酒为乐”,唔做嘢。刘备嬲到爆,叫张飞去巡视。张飞去到耒阳县衙,指责庞统失职,重要打佢,庞统就话:“量百里小县,些小公事,何难决断!将军少坐,待我发落。”果然,张飞坐低之后,庞统“随即唤公吏,将百余日所积公务,都取来剖断。吏皆纷然赍抱案卷上厅,诉词被告人等,环跪阶下。统手中批判,口中发落,耳内听词,曲直分明,并无分毫差错。民皆叩首拜伏。不到半日,将百余日之事,尽断毕了”。
    李逵同埋庞统都系“片言折狱”,不过效果就完全相反,一系乱断,一系明断。当然喇,“演义”吖嘛,讲古啫,现实嘅“折狱”,冇疑犯口供、冇人证物证,靠“片言”肯定唔得喇。
    所以我谂极都系,孔Sir呢句话系单打阿由仔:“哇,一两句说话就可以断案,你真叻仔!”至于后面嗰句“子路无宿诺”,系记低孔Sir语录嘅人补充嘎,因为孔Sir冇可能叫阿由仔做“子路”,同学之间先至噉叫。“无宿诺”,系应承过嘅嘢,绝对唔会拖到第日先做。照噉睇嚟,子路嘅性格,亦都系“黑旋风”级嘎,有官司畀佢判决,佢实唔会拖嘎,三言两语就搞掂喇。    (插图:老饼

  评论这张
 
阅读(269)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017