注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·11 各司其职的团队精神(栋笃论语·颜渊第十二)  

2008-11-23 20:38:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文齐景公问政于孔子。孔子对曰:“君君,臣臣,父父,子子。”公曰:“善哉!信如君不君、臣不臣、父不父、子不子,虽有粟,吾得而食诸?”

  【译文】齐景公向孔子请教点样执政,孔子话:“君要似君,臣要似臣,父要似父,仔要似仔。”景公话:“啱嗮!若果君唔君、臣唔臣、父唔父、仔唔仔,就算有再多粮食,我都食唔到噃!”

  【栋笃】上个世纪孔子最黑仔嘅时候,儒家思想入边畀人闹得最多嘅内容,就系“三纲五常”喇。其中嘅“三纲”,即系“君为臣纲、父为子纲、夫为妻纲”;“五常”,即系仁、义、礼、智、信。虽然“三纲五常”系西汉嘅董仲舒归纳出来嘎,到咗宋代又得到咗朱熹嘅强化,但系董某人朱某人嘅思想,亦都系孔Sir嘅隔代单传,所以,话“三纲五常”系孔Sir独家秘制嘅“精神枷锁”,亦唔算屈佢。
  孔Sir最早提出“三纲”中嘅两纲,就系答齐景公嘅呢一句“君君臣臣父父子子”。当时,孔Sir系跟随畀季孙氏赶走嘅鲁昭公着草嚟到齐国嘎。点不知,齐国亦都立立乱,同鲁国差唔多,大夫话事,君唔似君,臣唔似臣。景公后宫又太多宠爱,唔立太子,国政一直就稳定唔落嚟。针对噉样嘅情况,孔Sir就话畀佢知,要好好噉执政,肯定要搞掂君臣关系、父子关系先。
  孔Sir呢一招,简直就系“葵花点穴手”喇,一点即中,唔怪得景公大赞:“太有才了!”的而且确,君冇君威、父冇父权,国库入边有再多米,人哋唔畀你食,你就得个死字喇。果然,景公赞过之后,并冇做到“君君臣臣父父子子”,卒之畀姓陈嘅大夫怼冧咗。
  时代发展,“三纲”到咗而家,几乎掉返转头:喺民主社会,“君为臣纲”再冇可能出现,就算民选嘅总统可以算系“君”,佢好多地方亦都要受到“臣民”嘅制约。家庭方面,仔系“小皇帝”,父母围住佢转,可以讲系“子为父纲”;夫妻关系入边,女权话事,怕老婆成为时尚,“妻为夫纲”亦成为咗事实。就算孔子再世,亦都回天无力喇!
  不过,如果将“君君臣臣父父子子”理解为各司其职嘅话,噉样嘅“纲”,就唔单止唔会过时,重越嚟越要“高举”添。现代嘅企业管理最注重团队精神,而团队精神一个最重要嘅内容,就系分工合作、各司其职。一支现代足球队,就更加需要各司其职喇,唔系嘅话,教练想走、龙门唔守、后卫唔救、中场唔跑——前锋,又点可能入波就手?
  听下万人狂呼“×××下课”,就知咩叫“虽有粟,吾得而食诸”喇。  (插图:老饼

  评论这张
 
阅读(282)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017