注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·10 爱恨生死最古惑(栋笃论语·颜渊第十二)  

2008-11-22 21:48:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子张问崇德辨惑。子曰:“主忠信,徙义,崇德也。爱之欲其生,恶之欲其死,既欲其生,又欲其死,是惑也。‘诚不以富,亦祇以异。’”

  【译文】子张问,点可以令到道德更加高尚、又能够辨明迷惑。孔子话:“以忠信为本,以道义为准则去纠正自己嘅行为,道德水准就会越嚟越高喇。钟意佢就要佢好好活下去,憎佢就要佢即刻死嗮——一阵要佢生,一阵又要佢死,噉就系迷惑喇。”

  【栋笃】孔Sir嘅思维,有时真系好飘忽,咪话两千年后嘅我哋好难理解,就算佢嘅学生,当时究竟理解咗几多,好可能都系隔山买老牛——靠估啫。
  子张问嘅系点样先可以“崇德辨惑”,孔Sir嘅回答,前半句其实都冇乜新意,“主忠信”,喺“学而第一”呢章入边一早就讲过(1·8),徙义,就系行为要向“义”字靠近嘅意思。做人以忠信为本,做嘢以道义为准,就可以令到自己道德高尚——呢层意思,孔Sir不嬲都讲烂嗮。
  但系,孔Sir嘅后半句,点谂都冇办法令人“辨惑”,甚至乎系更加“大惑”。子张问嘅“辨惑”,肯定系仁义道德方面嘅明疑惑、辨是非,孔Sir答嘅,更加似男女拍拖嗰阵嘅心理迷惑:钟意佢嘅时候,“我能想到最浪漫的事/就是和你一起慢慢变老”,憎佢嘅时候,即刻闹一声:“你去死吧!”要生要死,都系受感情嘅左右,虽则系令人“惑”,都好似唔关道德嘅事噃!所以有人就推测话,孔Sir不嬲都系因材施教嘎,子张问话嘅时候,好可能感情上边受到咗困惑,孔Sir就转换话题,对症下药喇。喺呢一章嘅后边,另一个学生樊迟又问到“崇德辨惑”,孔Sir嘅答案又唔一样喇。
  噉点解最后“诚不以富,亦祇以异”呢八个字我冇解释呢?嗱,唔系我偷鸡,而系古今好多注解《论语》嘅人(从程朱一直到钱穆),都认为呢八个字系“错简”。咩系“错简”呢?就系喺两千年嘅传抄过程之中,唔知边位大佬将呢八个字放错咗地方,结果以讹传讹。而呢一句,本来系《诗经·小雅》,意思同“崇德辨惑”相差“冇雷公咁远”。当然,亦有人夹硬将佢同“崇德辨惑”扯埋一齐,夹硬解释,话孔Sir引用诗经系为咗做一个比证——真相究竟如何,又系一“惑”喇。
  一字讲嗮,就系:惑;两个字,系“迷惑”;三个字:好古惑。咔咔 大笑     (插图:老饼

  评论这张
 
阅读(160)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017