注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·09 民穷国焉能富(栋笃论语·颜渊第十二)  

2008-11-21 01:06:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文哀公问于有若曰:“年饥,用不足,如之何?”有若对曰:“盍彻乎?”曰:“二,吾犹不足,如之何其彻也?”对曰:“百姓足,君孰与不足?百姓不足,君孰与足?”

  【译文】盍,国、粤音同“合”,系“点解唔乜乜”(何不)嘅意思。彻,周朝嘅一种田税制度,一亩田嘅收获,百姓九,政府一。鲁国从宣公开始,每亩又加收一成,做军费用。
  鲁哀公问阿有若话:“连年收成唔好,国家财政困难,点算好?”有若答佢话:“点解唔实行‘十收一’嘅田税制度呢?”鲁哀公话:“收二我都唔够,点可以收一啊?”有若话:“百姓够嘅话,你点可能唔够呢?百姓唔够,你又点可能够呢?”

  【栋笃】今年上半年,我国嘅国民生产总值(GDP)同比增长咗10.4%;我国嘅税收收入同比增长30.5%;我国嘅居民消费价格水平(CPI)同比上涨咗7.9%……呢一组数字说明咗乜嘢?通俗啲讲,就系:国家嘅财政收入增加咗,百姓嘅生活质素降低咗。简单四个字,就系:国富民穷。所以呢一牌,唔少专家呼吁减税嘅意见陆续有嚟,同时亦喺媒体上边引起咗唔少争拗。
  细佬我唔系专家,更加唔系政府官员,税额究竟减唔减,唔系我话到事嘎。但系我相信,两千几年前,孔Sir嘅学生有若同鲁国国君哀公嘅对话,应该可以畀现代嘅专家同埋政府一个参考。
  春秋时候,列国虽则系各自为政,但名义上都系要尊周天子做大佬,唔少政治制度、经济制度,亦都系沿袭咗周朝嗰一套——比如,“彻”(十收一)呢一种田税制度,就系周朝嘅旧制。但系,鲁宣公嘅时候,话军费不足,要喺田税入边收,于是就变成咗“十收二”,一亩加收一成,其实对于种田嘅人嚟讲,就等于加多一倍嘅税。鲁哀公十二年、十三年连续两年,鲁国遭遇严重嘅虫灾,收入减咗好多,呢两年鲁国又不断用兵,军费就更加唔够使。喺噉嘅环境下,鲁哀公就同阿有若度桥,睇下佢有冇计可以增加收入。点不知,有若嘅建议,竟然系减税——即系恢复原来嘅十收一制度。哀公就唔明喇:收二都唔够,收一点够啊?有若嘅回答,真系用心良苦,同时又闪烁着现代民权思想嘅光辉:“民富,君点可能唔富?民穷,君点可能富?”
  嗰时正系中国历史上嘅“君国主义”时代,诸侯国都系国君嘅封地,所以,君即系国,国即系君,有若嘅话,亦可以简单翻译为:民富国富,民穷国穷。“年饥”反而减税,其实系一种长远嘅政治眼光,因为成个国家一草一木一针一线都系国君嘅,百姓更加系“子民”,讲句唔好听嘅说话,嗰时有一个词叫做“牧民”,即系人民就好似国君养嘅牛羊,牛羊有草食有水饮,肥肥壮壮,你嘅收入先至能够增加;你将牛羊嘅草攞去卖钱,令到佢哋冇嘢食,饿瘦咗饿死咗,甚至乎起来作反抢你嘅嘢食,你又点能够富呢?
  喺“君国主义”嘅饥荒年代,国家减税,系避免“同民争食”、竭泽而渔、杀鸡取卵,令到人民可以唞啖气,休养生息;噉喺呢个“人民共和”嘅时代,兼且经济不断增长、财政收入不断增加,又点可以令到人民嘅生活水平反而降低呢?咔咔。    (插图:老饼

  评论这张
 
阅读(177)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017