注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·08 表面文章还是要做的(栋笃论语·颜渊第十二)  

2008-11-16 23:44:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文棘子成曰:“君子质而已矣,何以文为?”子贡曰:“惜乎,夫子之说君子也。驷不及舌。文犹质也,质犹文也,虎豹之鞟犹犬羊之鞟。”

  【译文】鞟,国、粤音同“廓”,动物甩咗毛嘅皮。
  棘子成话:“君子本质优良就得喇,使乜文采啫?”子贡话:“真系可惜,先生你噉样讲君子。一言既出,驷马难追啊!文采同本质,系连埋一体密不可分嘎,就好似虎豹脱毛之后,啲皮同狗仔羊仔嘅皮就冇乜区别喇。”

  【栋笃】中秋就嚟到喇,月饼大战烽烟又起。不过,今年嘅月饼市场唔同往年,因为质检总局喺本月中旬发出咗紧急通知:严查月饼过度包装。
  小小嘅月饼包装问题,搞到国家质检总局要发紧急通知,谂下就知,月饼嘅过度包装,已经到咗“是可忍,孰不可忍”嘅地步。旧年有一个统计数字出嚟,话全国每年嘅月饼包装费高达25个亿,而中秋一过,呢廿几亿嘅包装,冚棒唥变成咗垃圾。呢廿几亿系边个埋单?梗系消费者喇,所以,每年嘅消费者投诉最多嘅,就系月饼过度包装造成嘅价格过高问题。
  月饼需唔需要包装?梗系要喇,如果系“裸体月饼”嘅话,咪话送人,就系自己拎返屋企都好鬼麻烦,重唔卫生添。
  月饼系噉,人又系噉。开讲有话,“佛靠金装,人靠衣装”,君子亦都系噉。不过,君子嘅“包装”,唔系“衣装”,而系“文采”,或者叫做“礼仪”。
  棘子成,系卫国嘅大夫。佢点解有呢个疑问呢?书中暗表,佢系见到当时喺孔Sir嘅力推之下,潮流兴“文采”,佢有啲唔忿,先至有噉嘅疑问。子贡听咗,就好夸张噉话:“哇,你噉样讲君子,实会后悔嘎。文采同本质系统一嘎,虎豹一睇就咁威猛,同身上啲花纹关系密切,如果将佢哋啲毛掹咗,裸露出嚟嘅皮,同狗仔羊仔就冇咩区别喇。”的而且确,一句好咸湿嘅话,系噉讲嘎:“脱光了还不都一样?”
  不过孔Sir自己嘅意见系点呢?如果大家重记得嘅话,喺“雍也第六”呢一章入边,佢系噉讲嘎:“质胜文则野,文胜质则史。文质彬彬,然后君子。”即系话,道德品质同文采礼仪,边一个超过边一个都唔得,两个配合得啱啱好,先至系一个完美嘅君子。
  现代营销理念话畀我哋知,“酒香还是怕巷子深的”,表面文章,唔做唔得,就算系坚嘢,都系要包装、广告。商品系噉,人才亦系噉,有料到,加上合适嘅包装,就唔使惊冇人要喇。    (插图:老饼

  评论这张
 
阅读(167)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017