注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·06 大话vs权力(栋笃论语·颜渊第十二)  

2008-11-13 01:05:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子张问明,子曰:“浸润之谮、肤受之诉不行焉,可谓明也已矣;浸润之谮、肤受之诉不行焉,可谓远也已矣。”

  【译文】谮(国zèn,粤dzam3,同“浸”,也可读tsam3,同“侵”),诬谄,中伤嘅意思。
  子张问,点先可以做一个有明见嘅人?孔子话:“好似水一样慢慢噉浸润嘅谗言,同埋有切肤之痛嘅诬告都喺你面前行唔通,你就算有明见喇;好似水一样慢慢噉浸润嘅谗言,同埋有切肤之痛嘅诬告都喺你面前行唔通,就可以讲系有远见喇。”

  【栋笃】一个成语,叫做“三人成虎”,意思系,如果讲大话嘅人多咗,就容易令人相信。同样嘅道理,如果一个人坚持喺另一个人面前讲大话,讲嘅次数多咗,亦容易令到听嘅人相信。就好似啲嘢畀水浸湿,啱啱开始嘅时候系唔经唔觉嘎,慢慢慢慢噉,就已经湿咗喇。谗言对人嘅影响,亦都系噉嘎。
  另一种容易令人相信嘅大话,就系同听者息息相关、或者系有切肤之痛嘅大话。比如而家流行嘅电话骗术,就系话你嘅亲人喺外地遇到车祸,喺某某医院,要你即刻汇款过去——新闻话,呢种骗术,系最多人上当嘎。
  所以孔Sir就同佢学生子张讲,如果“浸润之谮”同埋“肤受之诉”都呃你唔到,噉恭喜你,你已经算系一个明察事理嘅人,而且重系一个有远见卓识嘅人添。
  但系,知易行难。孔Sir呢段说话,其实系针对啲掌权嘅人嚟讲嘎。喺“绝对权力导致绝对腐败”嘅时代,冇咗监督,有话事权嘅人,最容易受到谗言同埋诬告嘅影响。中国历史上嘅所谓“奸妃”、太监、秘书弄权,冚棒唥都离唔开“浸润之谮”、“肤受之诉”呢两招。
  几时啲权力可以受到真正嘅监督,几时啲“浸润之谮”、“肤受之诉”先至能够真正行唔通,咔咔。  (插图:老饼

  评论这张
 
阅读(173)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017