注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·05 四海之内皆兄弟也(栋笃论语·子路第十三)  

2008-11-11 21:43:13|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文司马牛忧曰:“人皆有兄弟,我独亡。”子夏曰:“商闻之矣,‘死生有命,富贵在天。君子敬而无失,与人恭而有礼,四海之内,皆兄弟也。’君子何患乎无兄弟也?”

  【译文】司马牛好闭翳噉讲:“人哋都有兄弟,就我一个人冇。”子夏(卜商)就话:“我听老师讲过:‘死生有命,富贵在天。君子做嘢谨慎冇过失,对人恭敬有礼仪,噉四海之内就都系兄弟。’噉君子又使乜惊自己冇兄弟呢?”

  【栋笃】“四海之内皆兄弟也”,呢句说话相信大家同我一样咁熟悉:喺《水浒传》、《七侠五义》等小说入边,啲江湖好汉讲得最多嘅,就系呢一句说话喇。当时重系少年嘅我,一听到呢句,哇,啲热血简直就好似要飚出来噉,如果唔系惊家长闹,即刻就想揾几个僆仔结拜兄弟,然后行走江湖,劫富济贫!
  中国人,就噉样畀呢种喺“兄弟”、“义气”嘅名义下边进行嘅暴力活动蛊惑咗千百年,好少有边个能够好似吴老师一样,透过现象睇本质,发现“义气”后边嘅血酬定律。甚至乎,睇到李逵为咗“兄弟”劫法场,见人就斩滥杀无辜嘅时候,冇几个谂到,佢噉样嘅“义举”,其实就系针对平民嘅恐怖活动。
  更加令人谂唔到嘅系,“四海之内皆兄弟也”同埋“忠义”呢个主题,其实最早系孔Sir讲嘅,之不过,佢嘅本意,畀啲江湖好汉歪曲咗啫。
  司马牛唔系冇兄弟嘎。上一Part讲过,司马牛嘅大佬桓魋喺宋国作乱,佢几兄弟除咗阿牛仔之外,冚棒唥跟咗佢嘅选择,结果失败咗,死嘅死,拉嘅拉,剩返阿牛仔一个。佢跟埋孔Sir学习,见到啲同学都有兄弟姊妹,就好闭翳喇。子夏为咗开解佢,就转述咗孔Sir讲过嘅一段说话,呢句说话入边,就包括咗两个流传两千年嘅俗语:死生有命,富贵在天;四海之内,皆兄弟也。孔Sir嘅本意系,仁者以天地万物为一体,既然系“一体”,就无分彼此,人人都好似兄弟手足噉。就好似一句大家好熟嘅说话:“你虽然没有了爸爸妈妈,但我们就是你的爸爸妈妈。”
  喺“仁”嘅名义下边嘅博爱,儒家思想,真系有咗少少宗教理念喇。遗憾嘅系,呢个理念畀江湖好汉攞过去用,就变成咗啸聚山林、聚结利益团体嘅口号,喺呢个口号号召之下嘅种种“行径”,同儒家思想,就争十万八千里喇。
  阿牛仔嘅闭翳,以后唔会再有喇。有嘅,可能系另一句:“人皆无兄弟,我独有。”咔咔。  (插图:老饼

  评论这张
 
阅读(260)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017