注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·04 君子问心无愧(栋笃论语·颜渊第十二)  

2008-11-10 02:43:15|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文司马牛问君子,子曰:“君子不忧不惧。”曰:“不忧不惧,斯谓之君子已乎?”子曰:“内省不疚,夫何忧何惧?”

  【译文】司马牛问咩系君子,孔子话:“君子不忧愁,不恐惧。”司马牛话:“不忧愁,不恐惧,噉就可以算系君子咩?”孔子话:“问心无愧,又点会有忧愁同埋恐惧啊?”

  【栋笃】开讲有话:“平生不做亏心事,半夜不怕鬼敲门。”孔Sir亦讲过:“君子坦荡荡,小人长戚戚”(述而第七)。今次孔Sir再讲,君子问心无愧,所以唔会有咩忧愁同埋恐惧——呢啲噉嘅道理,大家一听就明,无谓多讲。
  今次呢对师生嘅问答,同上一Part差唔多一样。从逻辑上边嚟讲,司马牛问嘅,系点样成为一个“君子”嘅充分条件,而孔Sir答佢嘅,其实只能够算系一个“必要不充分条件”——即系话,一个人系君子嘅话,佢肯定系“不忧不惧”嘎;但系,一个“不忧不惧”嘅人,唔一定就系君子喇(比如一个人傻咗或者黐咗,佢亦可能系“不忧不惧”嘎)。唔怪得司马牛又有啲难以置信喇:无忧无惧,就算系君子?噉都得?
  冇错,喺成部《论语》入边,孔Sir从来都未喺逻辑上边对“仁”、“君子”呢啲概念作出充分定义嘎,边一个人问,佢答嘅,都唔一样——儒家弟子话,呢啲,就叫做“因材施教”喇。
  如果大家重记得嘅话,喺“子罕第九”入边,孔Sir讲过一句说话:“天生德于予,桓魋其如予何?”嗰时我同大家讲过,宋国嘅司马桓魋至憎孔Sir,想害佢,孔Sir表示佢唔怕,就讲咗呢一句好巴闭嘅说话。噉呢个桓魋系咩人呢?佢就系司马牛嘅大佬喇。史书记载,桓魋想作乱,司马牛好惊畀佢连累,成日心慌慌,孔Sir知道咗,就“因材施教”,话畀佢知,只要你唔参与作乱,问心无愧,噉就唔使惊喇。
  可惜司马牛唔系子路、唔系宰我,如果系嘅话,佢一定会同孔Sir再拗颈嘎。    (插图:老饼

  评论这张
 
阅读(199)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017