注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·03 讲就天下无敌,做就有心无力(栋笃论语·颜渊第十二)  

2008-11-05 23:14:15|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文司马牛问仁。子曰:“仁者其言也訒。”曰:“其言也訒,斯谓之仁矣乎?”子曰:“为之难,言之得无訒乎?”

  【译文】訒,国、粤音同“刃”,说话缓慢,不流畅嘅意思。
  司马牛问咩系仁,孔子话:“仁者讲说话好慢。”司马牛又话:“讲说话慢,就算系仁咩?”孔子话:“做起身好难,讲起身点可以唔慢啲啊?”

  【栋笃】钟意辩论嘅朋友,肯定重记得一场经典嘅赛事,就系第二届国际大专辩论会嘅决赛。当时嘅辩题,系《知难行易/知易行难》,正反双方嘅辩友,围绕呢两个哲学史上嘅经典命题,展开咗精彩嘅唇枪舌剑。可以攞出嚟辩论嘅命题,都系有充足嘅论据可以进行论证嘅。所以,话之最后系边一队胜,呢对命题,都系可以永远辩落去嘎。
  但系,如果问“讲”同“做”嘅难易,噉就唔使辩喇,边个都知,肯定系“讲易做难”。陈Sir喺节目里边讲到某啲官员嘅时候,最钟意讲嘅一句说话,就系“讲就天下无敌,做就有心无力”。一般人都系噉,何况系“官字两个口”呢。
  孔Sir不嬲都系认为“知易行难”嘎,佢亦都深知,“讲易做难”系人性嘅弱点,所以佢多次讲过,君子要“敏于事而慎于言”、“讷于言而敏于行”,一句讲晒,就系“少讲多做”。
  司马牛又系孔Sir嘅学生,《史记》入边讲到佢,就话佢“多言而躁”,即系比较长气,脾气又躁暴。所以,当佢问咩系仁嘅时候,孔Sir答佢嘅说话,同答阿颜回、仲弓又唔同喇:“仁者其言也訒”。听到噉嘅回答,咪话阿牛仔,边个都会觉得奇怪嘎:讲话慢啲就系仁者?噉嗰啲甩牙嘅人咪就个个都系仁者喇?梗唔系喇,孔Sir即刻就解释咗:“为之难,言之得无訒乎?”做起身好难,讲起身点可以唔慢啲啊?查实重系“敏于事而慎于言”嘅旧主题,冇咩新意思,之不过系针对阿牛仔呢个“多言而躁”嘅人,因材施教啫。
  讲到呢度,我又谂起一个好似讲过嘅笑话:老窦教仔,成功嘅人生,要靠诚实同埋智慧。仔问老窦,咩系“诚实”?老窦话:“诚实就系信守诺言。”仔又问:“噉咩系智慧?”老窦话:“智慧即系永不许诺。”
  而家,你知孔Sir嘅人生点解咁失败嘞啩?    (插图:老饼

  评论这张
 
阅读(365)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017