注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

12·02 己所不欲,勿施于人(栋笃论语·颜渊第十二)  

2008-11-05 02:12:15|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文仲弓问仁。子曰:“出门如见大宾,使民如承大祭。己所不欲,勿施于人。在邦无怨,在家无怨。”仲弓曰:“雍虽不敏,请事斯语矣。”

  【译文】仲弓(冉雍)问咩系仁,孔子话:“出门无论同咩人交往,都要好似接见贵宾一样咁恭敬;对待百姓嘅事,要好似对待国家大祭咁认真。自己唔钟意嘅嘢,唔可以强加畀人哋。喺诸侯嗰度做官,冇人怨恨;喺卿大夫度做官,亦冇人怨恨。”仲弓(冉雍)话:“我虽然唔够醒目,但系一定会照足先生呢几句教训去做嘎。”

  【栋笃】上一Part,系颜回问仁,呢一次,系仲弓(冉雍)问仁,孔Sir答嘅,都唔同。“克己复礼”,系对自己;“出门”点、“使民”点,系强调对人——特别系,做到领导嘅时候,点对待民生问题。
  “出门如见大宾,使民如承大祭”,讲嘅系对人要恭敬有加;“己所不欲,勿施于人”,讲嘅系对人要宽恕,即系将心比心;“在邦无怨,在家无怨”,“在邦”,系喺诸侯国嗰度做官,“在家”,系喺卿大夫嘅封地做官——话之在邦定在家,都要“做好呢份工”,对上要忠,对下要公——即系忠心、公平,噉先至会“无怨”。
  而家兴讲“乜乜无小事”,比如“群众利益无小事”、“民生无小事”、“教育无小事”、“安全无小事”等等,听起身,只要系事,冚棒唥都系大事——但系,噉样一嚟,全部都系大事,亦就等于冇大事喇,因为大细系相对而言嘎。
    冇几耐之前,广州兴“大接访”,市、区领导喺接访现场真嘅有“出门如见大宾,使民如承大祭”嘅感觉,海珠区嘅接访现场,甚至有工作人员为上访市民送水、送纸巾、担遮等,令到市民“受宠若惊”。我哋充分相信,官员噉做,都系为咗“在邦无怨,在家无怨”,但系,如果制度完善啲,各个部门都尽职尽责,市民自然就会“无怨”或者“少怨”,使乜事事要劳动最高官员亲力亲为啊?
    时代唔同喇,真正可以让百姓“无怨”嘅,系完善嘅制度,有力嘅监督,而唔系官员个人嘅“克己复礼”,或者乜乜“爱民如子”。己所不欲,勿施于人,请收起你的爱,返还一套好嘅体制喇。    (插图:老饼

  评论这张
 
阅读(646)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017