注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

11·20 退者进之,进者退之(栋笃论语·先进第十一)  

2008-10-23 23:29:15|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子路问:“闻斯行诸?”子曰:“有父兄在,如之何其闻斯行之?”冉有问:“闻斯行诸?”子曰:“闻斯行之。”公西华曰:“由也问:‘闻斯行诸?’子曰:‘有父兄在。’求也问:‘闻斯行诸?’子曰:‘闻斯行之。’赤也惑,敢问。”子曰:“求也退,故进之;由也兼人,故退之。”

  【译文】子路问阿孔子话:“知道咗就去实践咩?”孔子话:“有老窦大佬喺度,点可以知道咗就去实践啊?”冉有亦问:“知道咗就去实践咩?”孔子话:“知道咗就去实践。”公西华()话:“子路问系咪知道咗就可以去实践,先生你答佢话有老窦大佬喺屋企所以唔得;冉有问同样一个问题,先生你就话鼓励佢知道咗就可以去实践。点解会噉呢?我实在唔明白,唔该先生话畀我知。”孔子话:“冉有()平时嘅行为退缩,所以我鼓励佢前进;子路一心谂住要超过人哋,所以我要抑制下佢。”

  【栋笃】嗱,咩叫“因材施教”,呢一段问答,就系一个生动嘅事例嚟嘎。
  子路呢条友仔,大家都好熟喇,佢虽然畀孔Sir收服,明白咗咩系“当当当当当”,陪佢去“取西经”,但系佢卒之都系“前古惑仔”,性格特点系勇猛直前嘎。喺“公冶长第五”入边,我哋已经知道咗,“子路有闻,未之能行,唯恐有闻”。即系话,子路学到咩新知识,重未去实践嘅时候,佢最惊嘅就系又有新知识喇。喺度可以睇得出,佢唔单个性好急,重有现代人嘅“知识焦虑症”添。
  针对噉样嘅学生,执守“中庸之道”嘅孔Sir,梗系要抑制佢喇,如果放任佢一路向前冲,喺乱世之中,佢肯定一早就有生命危险嘎。所以孔Sir就同佢话,屋企有年老嘅老窦、大佬,出去捞世界,一定要考虑佢哋先。即系要佢有“后顾之忧”。
  阿求仔(冉有)呢,性格就同子路相反喇,做事过于谨慎,性格过于退缩,所以孔Sir就要鼓励佢,知道咗,就要勇敢去实践。
  一退一进,目的系要啲学生“无过无不及”,呢一个教育方针,其实到而家,都系可以参考嘎。    (插图:老饼

  评论这张
 
阅读(321)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017