注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

11·16 吾爱吾生,吾更爱礼义(栋笃论语·先进第十六)  

2008-10-17 01:06:15|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文季氏富于周公,而求也为之聚敛而附益之。子曰:“非吾徒也!小子鸣鼓而攻之可也。”

  【译文】季氏比周公重要富有,但系冉求重帮紧佢赚钱。孔子话:“呢个人唔系我学生!大家可以公开声讨佢、攻击佢!”

  【栋笃】聪明嘅读者应该睇得出,今日呢个标题,系改自亚里士多德嘅名言:“吾爱吾师,吾更爱真理。”亚里士多德嘅老师,就系同孔Sir差唔多同一个时代嘅伟大哲学家柏拉图。亚里士多德对柏拉图系好崇敬嘎,师徒之间嘅感情亦好好。但系,当亚里士多德发现柏拉图有咩错误嘅时候,佢亦都勇敢、坚定噉进行批评,一啲都唔畀面。有人话佢背叛师门,亚里士多德就话:“吾爱吾师,吾更爱真理。”喺真理面前,师徒之情系冇得讲嘎。
  同呢对师徒一样,孔Sir同佢学生冉求嘅感情亦都系好深厚嘎。冉求能够做到季氏(季康子)嘅家臣,亦都系孔Sir推荐之功。如果大家重记得嘅话,喺“雍也第六”呢一章入边,季康子问冉求可唔可以从政,孔Sir就话过:“求也艺,于从政乎何有!”即系话,冉求多才多艺,从政梗系一啲问题都冇喇。喺孔门“政事科”入边,冉求嘅排名,重喺子路之前。孔Sir“流亡”十四年,最后重可以返到嚟鲁国教书育人、安享晚年,其实都系冉求说服咗季康子嘅结果。
  但系,感情归感情,礼义归礼义。周公旦嘅仔世袭咗“周公”呢个位,虽然周王朝失势,周公假假哋都系“周王室之公”,季氏呢,点巴闭都好,名义上都只不过系“诸侯之卿”——一个厅级干部嘅家财,点可以多过一个部级干部啊!话之佢哋嘅家财来源系“明”定“不明”,“季氏富于周公”,喺当时就系僭越,就系失礼。而冉求唔单止冇阻止事情嘅发展,相反重帮季氏搜刮更多财富,简直就系为虎作伥喇,唔怪得孔Sir嬲到爆,要同佢断绝师生关系喇。“非吾徒也”,相当于逐出师门,重要叫啲学生“群起而攻之”,呢种反应,已经系最严厉嘅惩罚喇。
  噉冉求有冇真系畀人逐出师门呢?梗系冇喇,有嘅话,点可能入得“七十二贤”榜,重喺“政事科”排名第一啊?就好似孔Sir多次闹过季氏,但系一世都冇办法同季氏划清界限一样,孔Sir嘅晚年,重系得到咗冉求嘅照顾。照噉睇嚟,孔Sir呢一句话,好可能只系一种表态啫,就好似外交声明噉,千祈唔好当真啊。
  《西游记》入边,孙悟空三打白骨精,犯咗杀戒,唐僧亦将佢“逐出师门”,最后点啊?搞唔掂啲妖怪嘅时候,重唔系非常之后悔,重要猪八戒去请悟空返嚟?    (插图:老饼

  评论这张
 
阅读(266)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017