注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

11·14 教育需要棒和捧(栋笃论语·先进第十一)  

2008-10-14 00:34:15|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“由之瑟奚为于丘之门?”门人不敬子路。子曰:“由也升堂矣,未入于室也。”

  【译文】孔子话:“阿由仔你噉样鼓瑟,点算得系我门下嘅人啊?”啲学生听到后,就睇唔起子路。孔子又话:“其实阿由仔嘅鼓瑟水平算系‘升堂’嘞,只不过未‘入室’啫。”

  【栋笃】“快啲过嚟睇啊,快啲过嚟睇啊,孔Sir又单打子路嘞!”
  嗱,唔系我幸灾乐祸啊,其实如果一定要喺孔Sir嘅弟子之中拣一个我钟意嘅人,我实拣子路嘎——冇咩,就因为他最真实,性格最爽直。我都讲过好多次嘞,孔Sir对佢嘅感情,其实系好复杂嘎:时时离唔开佢,有时佢喺身边,又觉得好烦。呢种关系,就似唐僧孙悟空师徒,更加似宋江同埋李逵:李逵对大佬嘅忠心,梁山好汉之中系冇人比得上佢,为咗大佬,佢可以命都唔要(最后畀大佬毒死都毫无怨言)。但系,有时候,李逵又为大佬带来唔少麻烦,比如佢撕圣旨等等。所以,《水浒传》之中,畀宋江闹最多嘅,就系李逵嘞。
  同样,孔门弟子之中,畀孔Sir闹得最犀利嘅,亦都系子路(仲由)。
  上次我哋讲过,子路性格硬正,佢做任何嘢,都带有呢种性格特征,就算演奏乐器,都系一样。《孔子家语》入边,就话子路鼓瑟有“杀伐之声”,即系充满杀气,唔怪得孔Sir话佢会“不得其死然”嘞。另一方面,孔Sir又锡佢,唔忍心见佢因为性格原因不得善终,所以就周不时闹下佢、单打下佢,希望佢能够怡情养性,归正道,得善终。
  “你噉样弹琴,喺出边千祈唔好讲系我教嘎!”呢种语气,简直就系翻版菩提老祖同孙悟空讲嘅“不许说是我的徒弟”。点解?爱恨、担心,感情复杂,一言难尽啊!
  可笑嘅系,啲门人不解风情,以为孔Sir直情系讨厌子路,亦跟住睇佢唔起——呢次擦鞋就擦错嘞,啲学生唔生性,导师闹得,同学系唔讲得嘎,如果同学之间互相鄙视,噉就系导师嘅失败嘞。所以,孔Sir即刻补镬:“嗱,我唔系话阿由仔鼓得唔好,系话佢学到咗我嘅皮肉,重未学到我嘅精髓啫。”
  嗱,咩叫教育艺术,呢啲就系嘞。    (插图:老饼

  评论这张
 
阅读(152)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017