注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

11·12 性格决定命运(栋笃论语·先进第十一)  

2008-10-13 02:21:15|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文闵子侍侧,訚訚如也;子路,行行如也;冉有、子贡,侃侃如也。子乐。“若由也,不得其死然。”

  【译文】訚,国、粤音同“银”,中正、诚恳嘅意思。
  闵子骞陪喺孔子身边嘅时候,个样好中正、诚恳;子路喺孔子身边,就显得好硬正;冉有、子贡就滔滔不绝好讲得。孔子好开心。不过佢话:“好似子路噉,我惊佢会不得好死啊!”

  【栋笃】悟净侍侧,訚訚如也;悟空,行行如也;悟能,侃侃如也。三藏乐。“若猴也,不得其死然。”
  《西游记》入边,唐三藏手下三个徒弟,各有各嘅性格。悟净最忠厚,悟空最硬正,悟能呢,口水最多,成日吟吟寻寻。三藏最离唔开悟空,不过对佢又最头赤,佢内心肯定亦好担心,咁硬正嘅徒弟,好可能会死于非难。
  呢两师徒嘅关系,就好似孔Sir同子路(仲由)。
  孔Sir坚持“有教无类”、“因材施教”,所以,孔门七十二贤人,个个都好叻个个都好有个性。孟子话,“得天下英才而育之,三乐也”,讲嘅正系孔Sir嘅感受。“訚訚如”、“行行如”、“侃侃如”,各尽其用,各得其乐。就算系子路呢个好硬正嘅徒弟仔,孔Sir内心都系好锡佢嘎,虽然佢有时唔系几听话,重钟意同孔Sir驳嘴添。就因为佢呢种“宁折不弯”嘅性格,孔Sir好担心佢会不得善终。有人话,呢位老师好奇怪,点解噉样咒佢学生嘅?其实唔系咒,系担心。
  好不幸嘅系,子路嘅命运,真系畀孔Sir噏中咗。子路后尾做咗卫国大夫孔悝嘅家臣,孔悝喺宫廷内斗中失败,子路本来可以走佬嘎,不过佢为咗尽忠尽节,勇敢赴难,最后畀人斩成肉泥,真系好惨。孔Sir知道子路死咗,喊到咩噉。
  唔知佢喊嘅时候,有冇谂到,佢嘅“判词”,竟然一语成谶。唔通,呢啲就叫做“性格决定命运”?

  评论这张
 
阅读(185)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017