注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

11·3 “无疑”不是好学生(栋笃论语·先进第十一)  

2008-09-21 23:54:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“回也非助我者也,于吾言无所不说。”

  【译文】回,即系孔Sir最钟意嘅学生颜回();说,通“悦”,钟意噉解。
  孔子话:“阿回仔唔系一个可以帮到我嘅人,因为佢对我讲嘅嘢,冇一样系唔钟意嘅。”

  【栋笃】现代教育理论话畀我哋知,一个对老师所讲嘅嘢冚棒唥接受、一啲都冇疑问嘅学生,唔系好学生。因为,呢种学习态度,根本就源于依赖心理同埋惰性心理,系好被动噉去接受知识。有疑问嘅学生,先至有学习嘅主动性,可以喺“质疑-解疑”嘅不断循环中,加深对知识掌握嘅牢固程度。
  作为老师,“传道、授业、解惑”系职责所在,缺一不可。“传道”、“授业”系单方向嘅灌输,“解惑”系师生互动嘅求知。学生有所怀疑,老师去解答佢哋嘅疑问,喺呢个过程之中,老师本人亦会得到一啲启发,同时发现自己嘅不足之处,更有动力去精益求精,完善自己嘅知识体系。
  讲咗咁多理论,其实孔Sir喺两千几年前一早就讲过。如果大家记得嘅话,喺《八佾第三》呢章嘅第三篇“绘事后素”入边,学生子夏对《诗经》嘅疑问同埋佢嘅创造性发挥,就得到咗孔Sir嘅大力赞赏,当时孔Sir重好高兴噉话:“启予者商也!”——子夏启发咗我啊!
  颜回系孔Sir最钟意嘅学生,佢对孔Sir所讲嘅嘢,“无所不说(悦)”,即系心悦诚服噉全盘接受,一啲都冇怀疑。噉样嘅学生,可以讲系最听话、最乖嘅学生喇,孔Sir梗系最钟意佢喇。不过,钟意归钟意,“非助我者也”亦系事实,而且睇得出,孔Sir对呢种“事实”,重系有少少遗憾嘎。
  有一种说法,话颜回好叻仔,“闻一知十”(孔Sir都话自己“弗如也”),佢对孔Sir嘅话,就算有疑问,亦都能够自己解答,就算发现孔Sir有咩讲得唔啱嘅地方,佢亦唔会好似子路、宰我噉照直讲出嚟。所以,表面上睇嚟,佢就认为孔Sir嘅话“句句是真理”、“一句顶一万句”喇。颜回噉识做,系好有着数嘎,所以自始至终,孔Sir都认为,佢系最好嘅弟子。
  师生之间、上下之间嘅呢种微妙关系,两千几年嚟,其实都冇乜变化嘎。  (插图:老饼

  评论这张
 
阅读(158)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017