注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

11·5 史上最早广告软文(栋笃论语·先进第十一)  

2008-10-09 00:29:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文南容三复白圭,孔子以其兄之子妻之。

  【译文】南容,即系孔子嘅学生南宫括;三复,系反复不停噉诵读;白圭,本来系指白玉,呢度系《诗经》入边嘅诗句;其兄之子,系佢大佬个女。
  南容经常不停噉诵读“白圭”诗句,孔子就将佢大佬个女嫁咗畀佢。

  【栋笃】哇,原来读诗噉有着数,唔怪得而家虽然诗歌冇咩市场,民间嘅诗歌朗诵会却越嚟越多,哈哈。
  想知道孔Sir点解噉做,我哋了解下“白圭”系咩诗先——《诗经·大雅·抑》嘅原文系:“慎尔出话,敬尔威仪,无不柔嘉。白圭之玷,尚可磨也;斯言之玷,不可为也。”即系话,说话谨慎,仪表恭敬,噉就咩都柔和美好嘞。白玉上边嘅污点,重可以磨掉;语言入边嘅污糟嘢,就冇得救嘞。
  字面上理解,学生南容成日诵读“白圭之玷,尚可磨也;斯言之玷,不可为也”,孔Sir觉得佢系个言行谨慎嘅人,值得托付终身,就将佢大佬个女嫁咗畀佢。
  “但是,你信吗?”
  细细个嗰阵,我嬷嬷同我讲:“钟意睇大戏嘅人,衰极都有限。”点解?嬷嬷嘅理由系,大戏都系讲善恶有报、劝人行善嘎,钟意睇嘅人,睇多咗,就会受到戏文嘅教育,想做衰人都唔敢嘞。
  同我嬷嬷一样咁善良嘅人肯定有唔少,“但是,你信吗?”
  如果大家重记得嘅话,喺《公冶长第五》入边,孔Sir自己讲南容,系噉讲嘎:“邦有道,不废;邦无道,免于刑戳。”即系话,国家有道,南容就出嚟做官;国家无道,南容亦能够避祸——系噉,孔Sir先至“以其兄之子妻之”。呢种讲法,可信度高啲,因为喺乱世之中识得点样保存自己,噉样嘅人先至值得托付终身,点可能成日诵读几句劝人向善嘅诗,就可以嫁个侄女畀佢?噉样算系“对下一代负责”咩?重有一样好奇怪嘅系,点解同样讲嫁侄女,两句隔得咁远?识唔识编书嘎?
  所以,结合《诗经》系孔Sir编写嘅教材呢个背景,我深度怀疑,本章呢句话,系史上最早嘅广告软文,就为咗推销《诗经》呢本教材:“大龄青年南容,长期为娶不到老婆而深感痛苦。后来他天天诵读《诗经》,终于抱得美人归。”不过,我就好为南容担心嘞,孔Sir个样咁核突,佢大佬个女……(使乜担心啫,广告嘛,点都要揾个靓啲嘅模特系咪?
  讲到呢度,我突然间谂起,陈冠希先生经常唱一首歌,叫做《牛郎织女》,系歌颂天长地久嘅爱情嘎,唔知杨生系咪畀佢感动,先将个侄女许畀佢做女朋友呢?咔咔。

  评论这张
 
阅读(268)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017