注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

11·2 孔门弟子top榜中榜(栋笃论语·先进第十一)  

2008-09-21 18:21:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“从我于陈、蔡者,皆不及门也。德行:颜渊、闵子骞、冉伯牛、仲弓;言语:宰我、子贡;政事:冉有、季路;文学:子游、子夏。”

  【译文】孔子话:“跟我一齐喺陈、蔡之间捱过苦受过难嘅,而家都唔喺我身边嘞。德行科有:颜渊、闵子骞、冉伯牛、仲弓;言语科有:宰我、子贡;政事科有:冉有、季路;文学科有:子游、子夏。”

  【栋笃】孔Sir周游列国十几年,能够执返条命返嚟,都算系福大命大。呢两万五千里行落嚟,最牙烟嘅,就系“陈蔡之厄”嘞。“陈蔡”,即系陈国同埋蔡国之间,孔Sir同佢嘅学生曾经喺呢个地方畀人围困,“断粮七日”,差啲饿死。而喺呢个时候同佢一齐“共患难”嘅,就系早期啲学生嘞(即系上一篇所讲嘅“先进于野乐”嗰啲“野人”)。
  人老咗,就钟意“追忆似水年华”,孔Sir亦都唔例外。七十几岁嘅时候,孔Sir口述佢嘅“长征回忆录”,谂起嗰啲共过患难嘅“黄埔早期”,一个二个而家都唔喺佢身边,忍唔住好多感慨。嗰批“老革命”,比较有代表性嘅,德行最优秀嘅系:颜渊()、闵子骞、冉伯牛、仲弓同学;言语比较叻嘅,有宰我、子贡等同学;政事比较突出嘅系:冉有、季路同学;精通典章制度嘅有:子游、子夏等同学。呢批人,系学生,又系“战友”,感情就梗系深啲嘞。
  朋友又好,夫妻又好,师生又好,喺埋一齐,就容易发现对方嘅缺点,离开咗,再谂起嘅,就冚棒唥都系优点嘞。第啲唔讲,如果大家重记得嘅话,“言语科”嘅宰我同学,就系经常畀孔Sir闹嘅学生(最严重嘅就系话佢“朽木不可雕”嘞),而家宰我同学唔喺身边,孔Sir就“只记得你的好”嘞。
  有咗呢啲“人之常情”,孔Sir先至算得系一个完整嘅人。

  评论这张
 
阅读(144)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017