注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

11·1 君子不如野人(栋笃论语·先进第十一)  

2008-09-18 16:12:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“先进于礼乐,野人也;后进于礼乐,君子也。如用之,则吾从先进。”

  【译文】孔子话:“早期跟我学嘢嗰啲学生,喺礼乐方面嚟讲,系比较质朴嘅乡野之人;后期跟我学嘢嗰啲,喺礼乐方面嚟讲,就好似君子一样喇。但系,如果推荐人才畀社会所用,我首选嘅重系早期嗰啲。”

  【栋笃】《论语》下篇嘅开篇,又系一句难解嘅说话。难解嘅关键,就系“先进”、“后进”同埋“野人”、“君子”究竟系咩意思。喺度因为时间有限,我唔想好长气噉将各家嘅解释列出嚟,只系拣一种我个人认为合理啲嘎,同大家分享。
  以前我哋讲过,孔Sir“三十而立”,即系三十岁开始办学教书。喺呢个时期,孔Sir重唔系好出名,早期嚟跟佢学习礼乐嘅学生,比如颜回、仲弓、子路等人,重保留住纯朴嘅性格特点,就好似孔Sir讲过嘅“质胜文则野”(6·18)噉解。千祈唔好误会嘅系,呢个“野”,唔系“粗野”,而系“朴实”。孔Sir周游列国一无所获之后返鲁国教书嘅时候已经系六十八岁喇,经过咁多年嘅实践、总结,呢个时候佢讲礼乐就会更加细密——用今日嘅话嚟讲,系“学科细分”,呢个时期跟佢嘅学生,学到嘅礼乐知识会更多更繁琐,所以有“文胜质”嘅特点,表面上睇嚟,更加似“君子”多啲喇。
  噉点解“用之则从先进”呢?一方面,孔Sir早期政治野心爆棚,讲学之中肯定讲咗唔少“治国平天下”嘅实用知识,而到咗周游列国之后,心灰意冷,将精力冚棒唥摆喺“礼乐”上边,少咗可以从政嘅实用知识;另一方面,孔Sir早期嘅学生,系跟佢“长征”过嘎,捱过苦遭过难,有革命嘅资格同埋本钱,用佢哋,孔Sir梗系放心喇。
  讲到呢度我又谂起中国当代嘅教育。我哋呢班人,上世纪七八十年代读中小学嘅时候,“应试教育”呢支歌仔重未唱遍全中国,我哋嘅课业负担其实系好轻嘎——第啲唔讲,嗰时边有咁多课外作业、课外辅导练习册呢啲嘢啊!所以嗰时嘅中小学生,课余有大把时间玩,乡下嘅细路唔使讲,就算喺城市,都有好多啱晒我哋玩又有益身心嘅游戏。呢啲“野趣”,系而家再有钱嘅细佬仔都享受唔到嘎。上世纪九十年代直到而家,知识爆炸,学科细分,“应试教育”越唱越响,学生嘅负担越嚟越重,“减负”净系得把口,喺“不要输在起跑线上”嘅口号误导之下,学生节假日“第二课堂”嘅课程都排满晒,边有时间玩啊?所以,呢一代学生,睇起嚟,一个二个都好“文”,都系“文胜质”,可惜,就少咗一啲“野性”喇。    (插图:老饼

  评论这张
 
阅读(148)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017