注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

10.生命不分贵贱(栋笃论语·乡党第十)  

2008-09-16 02:41:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文厩焚。子退朝,曰:“伤人乎?”不问马。

  【译文】马棚发生火烛。孔子上朝返嚟,知道咗,就问:“有冇伤到人啊?”冇再问马嘅情况。

  【栋笃】5月29号下昼,喺重灾区绵竹,嚟自广西建设救援队嘅队员滕少权,唔理队友同埋旁观灾民嘅劝告,冒险喺废墟中救咗一只被困咗17日嘅宠物狗。呢件事,喺救援队内部引发咗争议,赞同嘅意见唔使讲,反对嘅意见认为,“人命比狗命更重要,犯不着为一条狗去冒险”,滕少权嘅做法,系“情感战胜理智”,系一种好傻嘅行为。
  其实喺一啲有动物保护法规嘅国家或者地区,嘥晒大量嘅人力物力去救一只被困嘅猫狗,系经常发生嘅事。第啲唔讲,喺香港电视上边,我哋就不时可以见到渔农署“大动干戈”噉去救猫狗嘅新闻。世界绿色和平组织为咗保护南极海域嘅鲸鱼,经常都系冒住生命危险同日本捕鱼船对抗嘎。
  当然,喺地震呢种天灾面前,“人命比狗命更重要”。如果喺地震啱啱发生嘅前几日,“救人”系所有救灾工作嘅第一要务,呢个时候,嘥晒有限嘅资源去救一只狗,影响到救人,肯定系唔啱嘎。但系,呢次滕少权救狗,仅仅系动用咗一架挖掘机同埋佢自己一个人,花咗唔够半个钟嘅时间——噉样嘅代价,对其他救援工作嘅影响系好少嘎,救援队内部亦有队员话,“狗和人一样,生命不分贵贱。救下一只狗,也是救下一个生命,和救人一样有意义。”
  “生命不分贵贱”,呢个同佛家嘅“众生皆有佛性”系一脉相承嘎。喺呢次地震之中,狗救人嘅新闻,亦都有唔少,有啲狗重献出自己嘅生命添。但系,喺儒家思想之中,“仁义”,只系对人嚟讲嘎,并冇惠及众生。如果大家重记得嘅话,喺“八佾第三”入边,子贡要废除用活羊祭祖嘅仪式,孔Sir就话:“赐也,尔爱其羊,我爱其礼。”即系话,为咗“礼”嘅需要,羊,系非杀不可嘎。子贡“爱其羊”,喺孔Sir睇嚟,就系一种“失礼”。
  今次都一样。本嚟,马棚火烛,最可能受伤嘅就系马。因为,除咗喂马食草嘅时候,马棚入边一般系冇人嘎。但系,孔Sir知道咗马棚火烛之后,关心嘅只系受伤机会好少嘅人,对最可能受伤嘅马,就一啲都唔关心。朱熹系噉样同孔Sir擦鞋嘎:“非不爱马,然恐伤人之意多,故未暇问。盖贵人贱畜,理当如此。”睇嚟,就连朱熹都知道,“不爱马”系唔啱嘎。但如果真系“爱马”嘅话,问人之后,问多一句“伤马乎”,好嘥你时间咩?
  “贵人贱畜”先至系孔Sir嘅“理当如此”。喺佢嘅等级观念之中,人都分三六九等,点可能“生命不分贵贱”啊?    (插图:老饼

  评论这张
 
阅读(180)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017