注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·26 给点阳光就灿烂(栋笃论语·子罕第九)  

2008-09-08 22:19:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“衣敝缊袍,与衣狐貉者立而不耻者,其由也与!‘不忮不求,何用不臧!’”子路终身诵之。子曰:“是道也,何足以臧!”

  【译文】孔子话:“着件残旧嘅棉袍,同啲着名贵皮褛嘅人企埋一齐而一啲都唔觉得丢架嘅人,可能就得仲由一个喇!《诗经》上边讲:‘不妒忌,不贪求,行为点可能唔好呢?’”子路(仲由)听咗,就成日读呢两句诗。孔子就话:“只系噉,重未够好噃!”

  【栋笃】有细心嘅读者辗转问我,寻日点解唔见栋笃讲下9·25,直接就系9·26“匹夫不可夺志”?其实呢位读者如果再细心啲嘅话,就会知道,“子罕第九”入边嘅第25章嘅内容(主忠信,毋友不如己者,过则勿惮改),其实喺“学而第一”嘅第8章入边已经出现过,呢度系重复咗。《论语》入边重有几个地方系噉嘎,讲咗再讲,费事有呃稿费嘅嫌疑喇,咔咔。
  由仔(子路)呢个人,我前面讲过,佢本来系古惑仔嚟嘎,孔Sir上课嘅时候,佢重去扰乱过教学秩序添。孔Sir以德报怨,收服咗佢,佢亦就忠心耿耿噉跟喺孔Sir身边,身兼学生、保镖两职,好似孙悟空保护唐僧噉,一路保住孔Sir周游列国。
  讲读书,子路可能冇颜回、子贡等同学咁叻。但系佢有佢嘅优点:忠诚、坦率、重情义、守诺言。就算孔Sir做得唔啱,佢亦都够胆讲,一啲都唔畀面(比如“子见南子”)。孔Sir唔止一次噉赞过子路,有啲我哋讲过,喺后面嘅内容重有。
  就算着件残旧嘅棉袍,同啲着名牌皮草嘅人企埋一齐,子路都唔会妒忌人哋,更加唔会谂到就算先畀首期再“按揭”亦要买返件嚟着——孔Sir引用《诗经》嘅诗句嚟赞佢:不忮不求,何用不臧。大家要知道,《诗经》系孔Sir自己编嘅教材,噉佢是但揾句出嚟赞下学生,好容易啫。如果孔Sir活多两千年,佢亦可能喺《雷锋日记》入边揾一句话嚟赞阿由仔:“‘在工作上,要向积极性最高的同志看齐;在生活上,要向水平最低的同志看齐。’仲由同志是这样说的,也是这样做的。”
  阿由仔听到老师噉赞佢,梗系开心到咩噉喇。头先讲过,佢嘅性格,系“喜怒形于色”嘎,一啲都唔识扮谦虚。老师赞佢,佢应该讲:“这都是在老师您的崇高人格感化下取得的一点点成绩,其实我做得还不够,还要更好向老师和颜回等同学学习,争取更大进步!”佢唔单止冇噉讲,重又系“闻之喜”(见5·7),今次重将孔Sir赞佢嘅诗句成日挂喺嘴边。噉就弊喇,佢唔知孔Sir至憎啲唔谦虚嘅人咩?果然,孔Sir知道咗,即刻就收返佢嘅话喇:“你以为噉就好好咩?重争好远添!”
  嗱,咩叫做“给点阳光你就灿烂,给点颜色你就想开染坊”——噉就系喇。

  评论这张
 
阅读(137)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017