注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·30 孔子的恋爱观(栋笃论语·子罕第九)  

2008-09-14 00:49:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文“唐棣之华,偏其反而。岂不尔思?室是远而。”子曰:“未之思也,夫何远之有?”

  【译文】唐棣,即系郁李,又叫做常棣、棠棣;华,通花;偏、反,有人解释同翩、翻,有人话系花向两边开嘅意思;室,屋企。
    “唐棣之花,分开两朵。不是不想,离你太远。”孔子话:“其实就系唔想,如果真系想嘅话,有咩远啫?”

  【栋笃】“唐棣之华,偏其反而。岂不尔思?室是远而。”查实系一首古时候嘅“逸诗”嚟嘎,即系唔知出自边度嘅古诗——极之有可能重系《诗经》,后尾畀孔Sir删咗。因为《诗经·小雅》入边有一首《常棣》,讲嘅系兄弟之情。郭沫若早期写过一个剧本《棠棣之花》,讲嘅亦都系战国时候其名刺客聂政同埋佢家姐嘅姊弟之情。
    计我话,呢首比兴嘅古诗,讲嘅应该系男女之情。“唔通系我唔想你?其实系你我嘅屋企相隔太远喇!”听起身,就系一个女仔抱怨个男仔冇想佢,男仔话唔系唔想,系两人隔太远喇。古时候交通极之唔方便,骑马可能快啲,但又唔系人人都有马骑;通讯落后,手机、呼机、商务通一个都冇,拍拖嘅男女,就算一个喺广州一个喺惠州,都系隔住千山万水,相思之苦,真系好难顶嘎。
    孔Sir读诗后嘅感叹,亦都系情理之中:“系你唔想啫,真系思念嘅话,就算见唔到面,只要心意相通,天涯咫尺,有咩远啫?”
    噉样解释,肯定又有好多人话我乱噏廿四。因为一直以来,儒家子弟对孔Sir呢句话嘅解释虽然有几种版本,但系都同“述而第七”入边孔Sir嗰句“仁远乎哉?我欲仁,斯仁至矣”联系埋一齐嘎。即系话,孔Sir呢句“未之思也”,意思系:“你冇心学仁道啫,真系有心嘅话,仁道离你一啲都唔远嘎!”
    放过孔Sir喇,佢都系人嚟嘅,都有七情六欲,把口成日仁义道德,攰唔攰啊?吊颈都要唞啖气喇。佢就男女之情发表下自己嘅睇法,都系好正常啫。李零话斋,去圣方得真孔子吖嘛。    (插图:老饼

  评论这张
 
阅读(225)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017