注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·29 孔子推背图(栋笃论语·子罕第九)  

2008-09-12 23:39:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“可与共学,未可与适道;可与适道,未可与立;可与立,未可与权。”

  【译文】孔子话:“可以一齐学习嘅人,唔一定就会行同样嘅路;行同一条路嘅人,唔一定就会坚持一样嘅原则;坚持同一个原则嘅人,唔一定会有同样嘅灵活性。”

  【栋笃】喺中国现代史入边,对历史发展影响最大嘅系边间学校?有人话北大,有人话清华,有人话,系西南联大……计我话,对历史影响最大嘅,系广州嘅黄埔军校。
  关于黄埔军校,相信唔使我多讲,每一个广州街坊都会好熟悉。噉点解讲论语,又讲到黄埔军校呢?皆因孔Sir呢一句说话,“可与共学,未可与适道;可与适道,未可与立;可与立,未可与权。”简直就系黄埔军校校生命运嘅写照。
  黄埔军校嘅创立,系第一次国共合作嘅产物。除校长蒋介石,政治部正副主任戴季陶、周恩来之外,国民党嘅廖仲恺、何应钦,共产党嘅叶剑英、聂荣臻等人,都系骨干,国共两党未来嘅军事精英,大部分都系黄埔早期嘅同窗同学(可与共学)。但系,三民主义同埋共产主义嘅意识形态系唔一样嘅,分属两党嘅师生,行嘅就唔系同一条路(未可与适道)。喺北伐、抗日、内战等决定中国未来嘅战争当中,黄埔师生分属唔同嘅阵营,但系表现都好突出。但就算喺各自内部嘅同志,行嘅虽然系同一条路(可与适道),但系就未必都坚持同样嘅原则(未可与立),比如汪精卫,佢曾经系军校国民党嘅党代表,后尾就行上咗叛国嘅道路;共产党方面,黄埔三期毕业嘅江西瑞金人杨遇春,参加咗南昌起义,做到红十二军35师长,后尾转投国民党,做到纵队司令。抗日嘅时候,佢作战英勇,最后入咗军统,与共产党为敌。坚持同一个原则,行到最后嘅人(可与立),亦都唔一定有同样嘅灵活性(未可与权)。比如,同样都系黄埔毕业嘅林彪同埋陶铸,“共学”、“适道”、“立”,最后都成为共产党嘅高级干部。不过,喺“文革”嘅时候,林彪嘅“权”,就玩得好尽,所以佢呼风唤雨;陶铸唔识“从权”,要坚持原则,就畀人整得好惨(不过林彪最后都一样死得好惨)……
  所谓“出身不由自己,道路可以选择”,睇睇黄埔同学嘅命运,再谂返孔Sir呢句说话,真系令人不胜唏嘘。而家流行咩咩预言,孔Sir嘅话,唔通都系?

  评论这张
 
阅读(140)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017