注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·28 我为孔子改《论语》(栋笃论语·子罕第九)  

2008-09-12 01:56:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“知者不惑,仁者不忧,勇者不惧。”

  【译文】孔子话:“聪明嘅人心中冇困惑,仁爱嘅人心中冇忧愁,勇敢嘅人心中冇恐惧。”

  【栋笃】听起身,孔Sir呢几句话都几有道理噃,而且,呢啲道理好多人都明嘎。嗱,聪明人呢,乜都谂得明乜都解得开,心中梗系唔会有困惑喇;有仁爱嘅人,充满爱心,知足常乐,心中梗系冇忧愁喇;至于“勇者不惧”,就更加唔使讲喇。
  但系,计我话,孔Sir呢三句说话,冚棒唥讲错晒。
  嗱,唔系我哗众取宠特登要同阿孔Sir唱反调。我够胆话孔Sir错,就有我嘅道理。
  讲下“知者不惑”先。儒家另一本经典《礼记》嘅《学记》入边有一句好出名嘅话:“学然后知不足,教然后知困。”爱因斯坦亦曾经用大圆圈同埋小圆圈嘅比喻,讲过好出名嘅“学的越多,不懂的越多”嘅呢句话。科学巨人牛顿,喺天文学、光学、数学、力学等方面嘅贡献无人可比,但系,佢越研究,心中嘅疑问越多,最后冇办法解开心中嘅疑问,只好信咗上帝。即系话,知者,要比不知者心中有更多嘅疑惑。
  再讲“仁者不忧”。范仲淹喺《岳阳楼记》入边讲过“古仁人之心”,系“进亦忧,退亦忧”,“先天下之忧而忧”嘎。仁者心中有大爱,所以就要比其他人更加忧国忧民,点可能“不忧”?
  最后讲“勇者不惧”。冇错,勇敢嘅人,遇到困难嘅时候不怕困难,勇往直前。但系,记得以前一本书讲过,“在该勇敢的时候勇敢,该害怕的时候害怕,才是真正的勇敢。”即系话,无论任何时候都“不惧”嘅人,唔系真正嘅勇敢。承认心中嘅恐惧,然后战胜呢个恐惧,先至系真正嘅勇敢。百年前嘅义和团,神神鬼鬼噉,以为自己真嘅刀枪不入,喺八国联军嘅枪林弹雨中冒死直冲——呢啲唔系勇敢,而系愚昧。
  所以,我认为“知者多惑,仁者先忧,勇者胜惧”先啱!

  评论这张
 
阅读(119)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017