注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·27 岁寒知松柏(栋笃论语·子罕第九)  

2008-09-09 23:56:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“岁寒,然后知松柏之后凋也。”

  【译文】孔子话:“到咗最冻嘅冬天,先至知道松柏系最后先凋谢嘎。”

  【栋笃】孔Sir呢句说话,其实唔使翻译,大家都知嘎喇,又系千古名言嚟嘎。类似嘅说话,重有好多,比较出名嘅有:“疾风知劲草,板荡识诚臣”(《诗经·大雅》);“路遥知马力,日久见人心”(《事林广记》);“时穷节乃见,一一垂丹青”(《正气歌》)……
  一年之中嘅春夏两季,阳光、水分充足,气温适宜,所以万木茂盛,欣欣向荣。喺呢个时候,睇唔出边啲树木耐寒啲、坚强啲。入咗秋天,气温下降,一啲娇贵嘅花木就开始凋谢;到咗寒冷嘅冬季,万木凋谢,绝大部分嘅树木都顶唔住冻,纷纷凋谢——喺呢个时候,松柏仍然满树青翠,坚持到冬季将尽,先至凋谢,而佢开始落叶嘅时候,新嘅枝叶,亦已经开始生出嚟喇。
  天道运行,万物荣枯,本来系大自然嘅规律。但系,讲究“天人合一”嘅中国人,一早喺几千年前,就开始喺天地万物之中去寻找心灵嘅依托,于是乎,就有冇《诗经》中大量嘅比兴修辞。从嗰个时候开始,呢两千年嚟,中国文人创造嘅艺术作品,话之文学又好、美术又好、音乐又好,就一直都离唔开“借物言志”嘅手法,直到上个世纪,加埋政治宣传嘅需要,“借物言志”之风泛滥成灾。茅盾一篇《白杨礼赞》,一直高居初中语文课文嘅“涨停板”;袁鹰又写埋一篇“中心思想”差唔多嘅《白杨》,长期占领咗小学语文课本呢个“低位”。另一位“著名散文家”杨朔,佢写嘅更多“名篇”,已经成为咗一种新八股,喺应试教育嘅推波助澜之下,直到而家,仍然影响到唔少中小学生嘅作文。
  喺众多嘅“物”之中,松柏一直都系最抢手嘅。讲到呢度,唔赞下孔Sir都唔得喇:第一,原创性,版权所有;第二,语言精练,净得短短十一个字,掷地有声,就将身后千万计嘅庸才、蠢才比咗落去。   (插图:老饼

  评论这张
 
阅读(270)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017