注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·25 匹夫不可夺志(栋笃论语·子罕第九)  

2008-09-05 21:41:17|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“三军可夺帅也,匹夫不可夺志也。”

  【译文】孔子话:“一支部队,有可能畀人夺去主帅;一个人立咗志,边个都夺唔走。”

  【栋笃】话说有一日,两公婆嗌交。老公惊畀老婆打,匿埋喺床下底。老婆猫踎低身笃住佢闹:“你够胆同我躝出嚟(滚出来)!”老公就话:“三军可夺帅也,匹夫不可夺志也!我话我唔出去就唔出去!”
  讲下笑啫。不过“匹夫”呢个词,原先确实系同“老公”有关嘎。夫妇互相匹配吖配,分开嚟讲就系“匹夫”同埋“匹妇”喇。而家“匹夫”嘅意思,理解为“一个人”就得喇,男女都得嘎,比如“国家兴亡,匹夫有责”,就唔单止系男人嘅事嚟嘎。所以,《赤壁》入边,嗰位乜乜格格就话,“国家兴亡,匹妇有责”喇,咔咔 大笑 
  “三军可夺帅也,匹夫不可夺志也。”孔Sir呢句话,犀利,又系千古名言喇。以前都唔知有几多人抄埋佢,贴喺书柜度当座右铭啊。
  三军,一支部队,有千军万马。但系,就系因为人多,所以人心好难齐——军心一涣散,主帅就好容易畀人捉走喇。匹夫立志,呢个“志”唔会唔畀夺走,完全由自己一个人决定嘎。所以,只要自己志够坚,就边个都夺唔走喇。
  梁漱溟,中国现代著名嘅思想家、哲学家、教育家……亦都有“中国最后一位儒家”之称。佢一生致力于“中国新农村”嘅建设,军阀统治时期,就做出咗唔少成绩。佢同毛泽东同龄,两人交情亦都算唔错。但系,1953年,喺政协会议上边,梁漱溟为农民嘅疾苦,就同毛吵咗起嚟,一啲都唔畀面。毛话佢“反对总路线”,从此之后就开始大力批判梁漱溟。梁漱溟就噉样做咗廿年嘅“反动分子”。到咗1973年,“批林批孔”运动又搞起嚟。因为梁漱溟系“新儒家”嘅代表,上边又要佢表态批孔子。喺一次大会上边,梁漱溟有咗讲嘢嘅机会,佢就话,孔子有功有过,唔可以全盘否定;重有,林彪同孔子冇咩关系,唔可以捞埋一齐讲。梁漱溟嘅发言,引嚟更多对佢嘅批判。直到隔年底,喺一次批斗佢嘅大会上边,主持人逼佢表态,佢就话:三军可夺帅也,匹夫不可夺志也!”
  咩叫知识分子嘅操守,睇下梁漱溟嘅表现就知喇。可惜,喺过去嘅呢半个世纪,能够似梁漱溟噉“匹夫不可夺志”嘅知识分子,系少之又少。大部分知识分子,喺政治高压之下,擦鞋都嚟唔切,点可能有“志”?

  评论这张
 
阅读(195)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017