注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·13 孔夫子,是太阳,照到哪里哪里亮(栋笃论语·子罕第九)  

2008-08-25 14:24:19|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子欲居九夷。或曰:“陋,如之何?”子曰:“君子居之,何陋之有?”

  【译文】孔子谂住要去九夷度住,有人就话:“嗰度好落后喔,点住得落啊?”孔子话:“有君子入去住,点会落后呢?”

  【栋笃】九夷?咩楼盘嚟嘎?有冇一线江景嘎?几钱一平方啊?系咪而家楼价跌咗,跌到阿孔Sir都开始谂住买楼啊?
    梗系唔系喇,黐……哦,我个嘴有啲嘢黐住,等埋先……好喇。嗱,九夷呢,系春秋时期东方部落,未开化嘅地方,所谓嘅“蛮荒之地”嚟嘎。噉孔Sir点解要去嗰度住呢?唔通系因为嗰度空气好好有湿地冇石化?梗系唔系喇,孔Sir话要去九夷度住,其实系斗气啫。同边个斗气?同成个“天下”斗气啰。
    上一Part,我哋啱啱讲过,孔Sir话佢系“待贾而沽”。我就话过,佢唔系“待”,而系主动去“叫卖”。结果呢?我哋讲过好多次,就系冇人“买”,十几年周游列国,一无所获,换边个都会绝望嘎。以前佢讲过另一句,“道不行,乘桴浮于海”(公冶长第七),都系一样嘅绝望,一样嘅斗气。
    噉点解系“九夷”呢?就因为九夷系未开化嘅地区。好,你哋“文明古国”唔要我系咪,我就去啲未开化嘅地方。呢啲系你哋嘅巨大损失,睇你哋将来点后悔!
    估唔到真系有人信佢,就好关心噉同佢讲:“唔得噃,嗰度好落后好荒凉,冇电冇水冇公交,点住啊?”嗱,孔Sir等嘅就系呢句话喇,下面呢句,先至系佢真正要讲嘎:“有君子去嗰度住,点会落后呢?”言下之意,即系话,“孔夫子,是太阳,照到哪里哪里亮”喇。
    所以,我深度怀疑,呢个“有人”(),其实根本就冇存在,系编《论语》嘅人为咗畀孔Sir一个台阶而加上去嘅。当时嘅真实情况系,孔Sir一话佢要去九夷住,啲官员即刻就话:“好啊,我即刻同你签单程证。”孔Sir见到人冇挽留佢,又自问自答:“嗰度虽然好落后,但系,我噉样嘅君子去到嗰度,就会有大国崛起喇!”  (插图:老饼

  评论这张
 
阅读(151)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017