注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·12 孔子也是卖的(栋笃论语·子罕第九)  

2008-08-24 00:59:19|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子贡曰:“有美玉于斯,韫椟而藏诸?求善贾而沽诸?”子曰:“沽之哉!沽之哉!我待贾者也。”

  【译文】子贡话:“如果有块美玉喺度,系匿埋喺柜桶度好,定系揾一个识嘢嘅人卖一个好价钱呢?”孔子话:“卖啊!卖啊!我就系等出价高嘅嗰个人。”

  【栋笃】手头有份资料《2006年广州市劳动工资指导价位》,系劳动部门调查咗广州600几家企业后得出嚟嘎。资料显示:本科毕业嘅新生,人工中位数系1977蚊,低位数系1180蚊。而主要包括一线体力生产工嘅“生产运输设备操作人员”,人工嘅中位数为2515元,低位数为1019元。两者有高有低,好明显嘅系,应届大学毕业生喺劳动力市场上,已经唔系咩“天之骄子”喇。不过呢个指导价位亦都显示,学历唔同,“身价”亦有明显区别:比如人工中位数,博士及以上系6137蚊,硕士系5314蚊,本科系4139蚊,大专系2885蚊,高中、中专同埋技校生系2434元,初中及以下系1595元。
  过咗年几,劳动力市场嘅“物价”指数应该系差唔多。噉睇咗资料,你会有咩谂头呢?
  如果我系一个应届毕业生,我就会照自己嘅实际,揾到市场定位,估下自己可以“卖”出咩好价钱,然后再“入市叫卖”——“求善贾而沽诸”。而唔系“冇四千蚊我唔会去见工嘎”——噉谂嘅话,好可能就要“韫椟而藏”喇。
  子贡问佢老师,其实关心嘅系师生嘅命运,想了解下孔Sir对出仕嘅态度。儒家嘅终极理想,卒之都系经世致用嘎。虽然孔Sir讲过,学习本身就系一种乐趣,“人不知,而不愠,不亦君子乎”,但系,“修身、齐家”卒之比唔上“治国、平天下”咁爽。噉就好似你有一块美玉,长时间匿埋喺个盒里边收藏起嚟,有咩用呢?肯定要揾个识贷嘅卖个好价钱喇。所以,孔Sir态度明确:卖,我一直都等紧嗰个识货嘅人。
  其实孔Sir噉讲亦都唔系好诚实。点解?因为佢根本就冇等(),而系主动出击,沿“国”叫卖。呢种积极嘅态度,其实正系当今嘅大学生要学习嘎:第一,估之哉(定价);第二,沽之哉(叫卖)。千祈唔好以为自己好叻,就有人主动嚟揾你。噉谂嘅话,第三可能就系“枯之哉”喇。

  评论这张
 
阅读(138)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017