注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·11 人之将死,其言也诚(栋笃论语·子罕第九)  

2008-08-23 01:20:19|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子疾病,子路使门人为臣。病间,曰:“久矣哉!由之行诈也!无臣而为有臣,吾谁欺?欺天乎?且予与其死于臣之手也,无宁死于二三子之手乎?且予纵不得大葬,予死于道路乎?”

  【译文】孔子病得好重,学生子路就安排孔子嘅门人嚟做家臣(准备办丧事)。孔子病好咗一啲,知道咗呢件事,就话:“阿由仔你竟然呃人咁耐!我冇家臣,扮有家臣,我要呃边个?呃个天咩?况且我死喺呢啲所谓嘅‘家臣’手上,重不如死喺你哋呢啲学生手上!我就算得唔到厚葬,唔通条尸就撇埋喺路上咩?”

  【栋笃】旧年嘅11月17号,陆丰市公路局原局长谢某为母亲办丧事,雇咗一支廿几人嘅仪仗队,送葬队伍达到咗千几人(其中有八位系该市公路局干部职工)。葬礼过后,谢某分两个地方摆咗100围酒席请啲送葬人员,场面要几张扬有几张扬,引发咗网上网下嘅非议。个几月之后,广东省纪委正式通报咗呢件事,而且畀咗谢某一个“党内撤职和行政降级处分”。
  非议声声嘅时候,亦有人同谢某说话,话佢虽然系违规办丧事,卒之都系一个“大孝子”。孔Sir话斋,孝悌系为人之本吖嘛。但系,就算佢真系一个“大孝子”,就算佢一啲都冇以“孝”之名敛财,就算嗰啲参加葬礼嘅千几人都系“自发自觉”嘅,谢某办咁大阵仗嘅葬礼,都难逃“违规”、“越礼”、“非分”嘅责任。
  而家体制内嘅殡葬制度,对级别唔同嘅人规定咗点样唔同嘅葬礼规模,请恕小弟我唔知。但系,两千几年前,始终认为“孝悌系为仁之本”嘅孔Sir,对于“违规”、“越礼”、“非分”嘅葬礼,都系深恶痛绝嘎——就算系佢自己嘅葬礼。
  孔Sir病得好重嘅时候,已经喺卿大夫呢个“部级”高位上边退咗落嚟。按照当时嘅规定,“大夫”先至可以享受由家臣组成“治丧委员会”嘅待遇。孔Sir唔系大夫,亦冇家臣,但系,子路就认为佢老师应该享有“相当于部级待遇”,于是就叫啲门人扮家臣,准备为孔Sir治丧。谁不知,孔Sir命不该绝,病情有咗好转,知道咗子路做嘅“好事”,直情嬲都爆,大闹子路“行诈”,而且系“久矣哉”。佢嬲嘅原因,系觉得子路噉做系自欺欺人,而且连累到佢自己都有“欺天”嘅嫌疑。孔Sir嘅意思系,死嘅时候,有忠实嘅学生送行就够晒,何必要整啲假家臣呢?
  子路嘅“行诈”,好可能系好心,系觉得老师应该有噉嘅待遇。当时大家都觉得孔Sir死梗喇,所以子路冇可能系擦鞋。可惜,佢主观上嘅“孝心”,成为咗客观上嘅虚荣同埋自欺。唔怪得咸鱼翻生嘅孔Sir重未完全康复就要嘥气大闹喇。
  照噉睇嚟,谢某嘅母亲在天有灵,对个仔噉样嘅“孝心”,唔知会点谂?

  评论这张
 
阅读(174)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017