注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·10 马屁不分古今(栋笃论语·子罕第九)  

2008-08-21 21:34:19|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文】颜渊喟然叹曰:“仰之弥高,钻之弥坚,瞻之在前,忽焉在后。夫子循循然善诱人,博我以文,约我以礼,欲罢不能,既竭吾才,如有所立卓尔。虽欲从之,末由也已。”

  【译文】颜渊好感叹噉话:“老师嘅学问,越学越觉得高深莫测。有时你觉得佢就喺你面前(可以把握得到),眨下眼佢又去到你嘅后边。老师佢对我哋循循善诱,用文献嚟丰富我哋嘅知识,又用礼仪嚟约束我哋嘅行为,令到我哋想唔进步都唔得;但就算竭尽我哋嘅才华,老师佢仍然高高企喺我哋前面(不可超过)。我哋虽然想跟佢,但系点都跟唔上嘎。”

  【栋笃】“我对你的景仰,有如滔——滔江水,连绵不绝……”“星宿老仙,德配天地,威震当世,古今无比!星宿老仙,法驾中原,神通广大,法力无边!”
  嗱嗱嗱,鸡蛋而家系贵嘢嚟吖嘛!你噉乱咁掟,掟唔到我会染污环境嘎,唉,又会掟亲啲小朋友。就算冇小朋友,掟亲啲花花草草,都系唔好……系,系我恶俗,系我唔啱,讲论语唔讲论语,乱讲咩周星星。
  但系,颜渊咁擦孔Sir嘅鞋,我一睇就好自然噉谂起韦小宝丁春秋至尊宝啊,冇办法嘎,我都唔想嘎。
  好喇好喇,唔讲唐三藏孙悟空,讲返孔Sir两师徒。嗱,颜渊呢,即系颜回喇,系孔Sir最惜嘅徒弟仔嚟嘎,我哋讲过,阿回仔死嗰阵,孔Sir喊到咩噉,佢老母死佢都冇咁喊过。而家我明喇,孔Sir点解会咁伤心:颜渊死咗,去边度揾多个咁叻嘅擦鞋仔啊!
  阿回仔咁赞佢老师,一片至诚感动天地,唔到我唔信,佢系真心嘎。不过,唔知大家重记唔记得,孔Sir亦都系狂赞过阿回仔嘎。第啲唔讲,《公冶长第五》入边,孔Sir就噉样喺子贡面前赞阿回仔:“弗如也,吾与女()弗如也。”即系话,佢自己承认,喺“闻一知十”方面,佢都系“虽欲从之,末由也已”嘎。
  未见过咁互敬互爱嘅师生,真系令到我哋“仰之弥高,钻之弥坚”,心口写个大大嘅“服”字畀佢。唔知而家嘅研究生系点赞教授嘎,不过,我有幸见过一位叫做袁学骏嘅河北作家噉样赞新上任嘅全国作协主席铁凝(忠告:以下文字最好系喺食饭前睇):“她就是中国先进文化的一个代表,也是中华民族文化的一个今日象征……铁凝是我们中国文学的旗帜……我们要学习她的做人之道。她走到哪里红到哪里,走到哪里和谐到哪里……”
  呢两段语录话畀我哋知:1.出来擦,总是要还的;2.擦鞋术源远流长,古今通吃,无论边个朝代,学会擦鞋,就唔使担心冇饭食。最后,让我哋齐齐高呼:
  “伟大嘅、光荣嘅、正确嘅大成至圣先师孔夫子万岁,万岁,万万岁!”  (插图:老饼

  评论这张
 
阅读(165)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017