注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

9·7 孔子的“无知”(栋笃论语·子罕第九)  

2008-08-19 23:47:19|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“吾有知乎哉?无知也。有鄙夫问于我,空空如也,我叩其两端而竭焉。”

  【译文】孔子话:“我有知识咩?我冇嘎噃。有粗人嚟问我问题,佢个心系一无所知嘎,我就佢问嘅问题嘅正反两面、头尾两边嚟反问佢、启发佢,打烂沙煲问到厾,一直到佢自己揾到答案为止。”

  【栋笃】谦虚过咗龙,就系虚伪。孔Sir自己讲过:“知之为知之,不知为不知,是知也。”噉如果“知之为不知”呢?冇几耐之前啱啱讲过:“文王既没,文不在兹乎?”信心爆棚。而家就谦虚到极点,“吾无知也”喇。做孔Sir嘅学生,真系要有坚强嘅神经至得。
  讲笑啫。我理解孔Sir嘅意思嘅,其实唔系过度嘅谦虚。佢要讲嘅,主要系点样循循善诱嘅问题。填鸭式嘅教学,当正教师系“全知全能”,将所有问题嘅答案夹硬塞埋畀啲学生,话之佢可以接受几多。启发式嘅教学,就系鼓励学生自问自答,教师喺呢个过程中起嘅系“引导”嘅作用,畀学生自己揾出答案。噉样,学生嘅感受深咗,知识梗系掌握得更加稳固喇。
  其实喺孔Sir嘅教学过程中,两种教学法都有嘎。佢有时候讲到啲佢认为系“真理”嘅时候,毋容置疑,梗系“填鸭”喇,比如佢对樊迟问知、问仁嘅回答(雍也第六),都系直接畀答案嘎。唔同嘅系,今次孔Sir“启发”嘅对象,系一个“鄙夫”。咩叫“鄙夫”?即系无知识嘅山野村夫、粗人噉解。呢种人对疑问嘅真诚,系因为佢哋心中“空空如也”,对问题唔识就系唔识,唔会有咩先入嘅成见,好似一张白纸噉。对呢种人嘅提问,可以旁敲侧击噉进行启发,或者从问题嘅正反两面、两相极端进行反问,直到佢自己悟出答案为止。比如,一个“鄙夫”噉问:
  “孔Sir啊,如果我老婆老母同时畀洪水围困,我救边一个先啊?”
  “梗系两个都救喇。”
  “如果时间唔够、体力唔够点办啊!”
  “两个都唔救,自己执生喇。”
  “噉点得啊!噉做会畀天下人闹嘎,我于心何忍啊!”
  “噉你话点办好呢?”
  “梗系要救一个喇!头先我就系噉问嘎……” 流汗  
  “噉你话救边个先好呢?”
  …………尴尬
  呢个时候,孔Sir当头棒喝:“谂咁耐,佢两个就快死嘎喇!”
  鄙夫醍醐灌顶:“边个离我近啲就救边个先!”

  评论这张
 
阅读(245)| 评论(2)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017